mahine ke aKHir dinon mein

ghar meñ dāḳhil hote hī

ham ḳhud ko āvāzeñ dene lagte haiñ

aur kapḌoñ se bharā shopping bag

pheñk dete haiñ bed ke nīche

rakhte haiñ apne juute sofe par

aur almārī ke darāz se kachche amrūd nikāl kar

bed-shēt se ragaḌte haiñ

aur katarne lagte haiñ chaar din purāne biscuit

jab bhī nazar paḌtī hai aa.ine pe

ḳhud ko gāliyāñ dete haiñ

T.V se Toñ Toñ kī āvāz aane par

remote ke saat TukḌe kar ke

billī ke aage Daal dete haiñ

credit ḳhatm ho jaane par

cell-phone pe shīrīñ lahje vaalī doshīza ko

kharī kharī sunāte haiñ

aur frēze ke nichle darvāze ko zor se band kar ke

ḳhālī oven meñ so jaate haiñ

ghar mein daKHil hote hi

hum KHud ko aawazen dene lagte hain

aur kapDon se bhara shopping bag

phenk dete hain bed ke niche

rakhte hain apne jute sofe par

aur almari ke daraaz se kachche amrud nikal kar

bed-sheet se ragaDte hain

aur katarne lagte hain chaar din purane biscuit

jab bhi nazar paDti hai aaine pe

KHud ko galiyan dete hain

TV se Ton Ton ki aawaz aane par

remote ke sat TukDe kar ke

billi ke aage Dal dete hain

credit KHatm ho jaane par

cell-phone pe shirin lahje wali doshiza ko

khari khari sunate hain

aur freeze ke nichle darwaze ko zor se band kar ke

KHali owen mein so jate hain