main apne hisse ka ro chuka hun

tumheñ pata hai

tumhāre pīchhe tamām shab jāgnā mirā mashġhala rahā hai

ye merī āñkhoñ ke gird gahre siyāh halqe

ye zard rangat udaas āñkheñ

badan ko dekho nahīf jaise ḳhizāñ-rasīda shajar ho yā phir marīz koī

ye sab tumhārī hī

ḳhair chhoḌo

batāo kaisī guzar rahī hai

mujhe to yaksar bhulā chukī hogī hai nā aisā hī

kuchh to bolo

tumhārī āñkhoñ ko kyā huā hai udaas kyoñ ho

are ye aañsū

tum aisī bilkul nahīñ thī

hañstī huī vo pāgal sī shoḳh laḌkī kahāñ ga.ī hai

badal ga.ī ho

batāo kyā koī sāniha rūnumā huā hai ki jis ne tum ko badal diyā hai

vo hañstā chehra nahīñ rahā hai

hasīn laḌkī

tum apne hisse kā ġham mujhe do maiñ apne hisse kā ro chukā huuñ

tumhein pata hai

tumhaare pichhe tamam shab jagna mera mashghala raha hai

ye meri aankhon ke gird gahre siyah halqe

ye zard rangat udas aankhen

badan ko dekho nahif jaise KHizan-rasida shajar ho ya phir mariz koi

ye sab tumhaari hi

KHair chhoDo

batao kaisi guzar rahi hai

mujhe to yaksar bhula chuki hogi hai na aisa hi

kuchh to bolo

tumhaari aankhon ko kya hua hai udas kyon ho

are ye aansu

tum aisi bilkul nahin thi

hansti hui wo pagal si shoKH laDki kahan gai hai

badal gai ho

batao kya koi saniha runuma hua hai ki jis ne tum ko badal diya hai

wo hansta chehra nahin raha hai

hasin laDki

tum apne hisse ka gham mujhe do main apne hisse ka ro chuka hun