main aur tu

roz jab dhuup pahāḌoñ se utarne lagtī

koī ghaTtā huā baḌhtā huā bekal saaya

ek dīvār se kahtā ki mire saath chalo

aur zanjīr-e-rifāqat se gurezāñ dīvār

apne pindār ke nashshe meñ sadā istāda

ḳhvāhish-e-hamdam-e-derīna pe hañs detī thī

kaun dīvār kisī saa.e ke ham-rāh chalī

kaun dīvār hamesha magar istāda rahī

vaqt dīvār kā sāthī hai na saa.e kā rafīq

aur ab sañg-o-gil-o-ḳhisht ke malbe ke tale

usī dīvār kā pindār hai reza reza

dhuup niklī hai magar jaane kahāñ hai saaya

roz jab dhup pahaDon se utarne lagti

koi ghaTta hua baDhta hua bekal saya

ek diwar se kahta ki mere sath chalo

aur zanjir-e-rifaqat se gurezan diwar

apne pindar ke nashshe mein sada istada

KHwahish-e-hamdam-e-derina pe hans deti thi

kaun diwar kisi sae ke ham-rah chali

kaun diwar hamesha magar istada rahi

waqt diwar ka sathi hai na sae ka rafiq

aur ab sang-o-gil-o-KHisht ke malbe ke tale

usi diwar ka pindar hai reza reza

dhup nikli hai magar jaane kahan hai saya