main ghair-mahfuz raat se Darta hun

raat ke farsh par

maut kī āhaTeñ

phir koī dar khulā

kaun is ghar ke pahre pe māmūr thā

kis ke bāloñ kī laT

kis ke kānoñ ke dur

kis ke hāthoñ kā zar, surḳh dahlīz par qāsidoñ ko milā?

koī pahre pe ho to gavāhī mile

ye shikasta shajar

ye shikasta shajar jis ke paañv meñ ḳhud apne saa.e kī mauhūm zanjīr hai

ye shikasta shajar to muhāfiz nahīñ

ye shikasta shajar to sipāhī nahīñ

shab se Dartā huuñ maiñ

ek tasvīr-e-be-rañg hai sāmne jis se Dartā huuñ maiñ

ek sūrat ki jis ke ḳhad-o-ḳhāl kī merī sub.h-e-hunar

se shanāsā.ī hai

us se Dartā huuñ maiñ

ek sho.ala ki ab tak ḳhas-e-jāñ meñ thaa, us kā sarkash sharar

kāġhazoñ meñ, makānoñ meñ, bāġhoñ meñ hai

us kī mānūs hiddat se Dartā huuñ maiñ

ek āvāz kohsār-e-tafrīq par jo saf-ārā haiñ vo apne bhaa.ī nahīñ

is sadā rū-ba-sahrā se Dartā huuñ maiñ

shab se Dartā huuñ maiñ

raat ke farsh par

maut ki aahaTen

phir koi dar khula

kaun is ghar ke pahre pe mamur tha

kis ke baalon ki laT

kis ke kanon ke dur

kis ke hathon ka zar, surKH dahliz par qasidon ko mila?

koi pahre pe ho to gawahi mile

ye shikasta shajar

ye shikasta shajar jis ke panw mein KHud apne sae ki mauhum zanjir hai

ye shikasta shajar to muhafiz nahin

ye shikasta shajar to sipahi nahin

shab se Darta hun main

ek taswir-e-be-rang hai samne jis se Darta hun main

ek surat ki jis ke KHad-o-KHal ki meri subh-e-hunar

se shanasai hai

us se Darta hun main

ek shoala ki ab tak KHas-e-jaan mein tha, us ka sarkash sharar

kaghazon mein, makanon mein, baghon mein hai

us ki manus hiddat se Darta hun main

ek aawaz kohsar-e-tafriq par jo saf-ara hain wo apne bhai nahin

is sada ru-ba-sahra se Darta hun main

shab se Darta hun main