main nashe mein hun

haḌtāl karne se na Talo maiñ nashe meñ huuñ

ai ġhair-mulkiyoñ kī kalo maiñ nashe meñ huuñ

merā julūs le ke chalo maiñ nashe meñ huuñ

phir ḳhaak sab ke muñh pe malo maiñ nashe meñ huuñ

''yāro mujhe maaf rakho maiñ nashe meñ hūñ''

''ab do to jaam ḳhālī hī do maiñ nashe meñ hūñ''

ghoḌe pe maiñ savār huuñ sunte ho paidalo

mujh par savār nashsha hai maiñ us ke huuñ jilau

jalsoñ meñ jab bhī jaao mujhe saath le chalo

aur ḳhālī-ḳholī na.aroñ se phir muuñg bhī dalo

''ek ek fart-e-daur meñ yūñhī mujhe bhī do''

''jām-e-sharāb pur na karo maiñ nashe meñ hūñ''

is qaum kī falāh hai jām-o-subū ke bech

tum intiḳhāb jā ke laḌo hāv-hū ke biich

dushnām aur balvoñ ke aur dū-ba-dū ke biich

jaise ki koī baiThā ho bazm-e-adū ke biich

''mastī se darhamī hai mirī guftugū ke bīch''

''jo chāho tum bhī mujh ko kaho maiñ nashe meñ hūñ''

maiñ rahnumā-e-qaum huuñ, ye ho chukā hai tai

khātā rahā huuñ gāliyāñ maazī meñ pai-ba-pai

guzrī hai umar jail meñ lekin ye tā-ba-kai

merā julūs le ke mirī qaum jab chale

''yā hāthoñ-hāth lo mujhe mānind-e-jām-e-mai''

''yā thoḌī duur saath chalo maiñ nashe meñ hūñ''

mujh par bhī vaqt aa ke paḌe haiñ yahāñ kaḌe

ye vo zamīñ hai jis pe gire haiñ baḌe baḌe

tum kyuuñ ukhāḌte ho vo murde jo haiñ gaḌe

dekhe nahīñ haiñ tum ne jo chikne the vo ghaḌe

''ma.azūr huuñ jo paañv mirā be-tarah paḌe''

''tum sargirāñ to mujh se na ho maiñ nashe meñ hūñ''

ye baat aql meñ bhī samātī nahīñ hai kuchh

shohrat to muft vote dilātī nahīñ hai kuchh

īmān-dārī kaam banātī nahīñ hai kuchh

laTh kī zabān bhī mujhe aatī nahīñ hai kuchh

bhāgī tumhārī raa.e to jaatī nahīñ hai kuchh

''chaltā huuñ maiñ bhii, Tuk to raho, maiñ nashe meñ huuñ

aayā hai vaqt aisā jo pahle na thā kabhī

dushvār rāsta bhī hai manzil hai duur abhī

public se jhūTe va.ade bhī kar lete haiñ sabhī

maiñ nai bhī iḳhtiyār kī ye policy jabhī

''nāzuk-mizāj aap qayāmat haiñ 'mīr'-jī''

''jūñ shīsha mere muñh na lago maiñ nashe meñ hūñ''

badmast ho ga.e ho election meñ 'ja.afarī'

sar meñ nashe ke saath hai saudā-e-rahbarī

tum kas jagah ke pañch ho kyā hai briādrī

kyuuñ DhūñDte ho mulk meñ jo vote ho frē

tum hosh meñ nahīñ ho to hai baat dūsrī

ye kah ke ghar meñ baiTh raho maiñ nashe meñ huuñ

haDtal karne se na Talo main nashe mein hun

ai ghair-mulkiyon ki kalo main nashe mein hun

mera julus le ke chalo main nashe mein hun

phir KHak sab ke munh pe malo main nashe mein hun

yaro mujhe maf rakho main nashe mein hun

ab do to jam KHali hi do main nashe mein hun

ghoDe pe main sawar hun sunte ho paidalo

mujh par sawar nashsha hai main us ke hun jilau

jalson mein jab bhi jao mujhe sath le chalo

aur KHali-KHoli naron se phir mung bhi dalo

ek ek fart-e-daur mein yunhi mujhe bhi do

jam-e-sharab pur na karo main nashe mein hun

is qaum ki falah hai jam-o-subu ke bech

tum intiKHab ja ke laDo haw-hu ke bich

dushnam aur balwon ke aur du-ba-du ke bich

jaise ki koi baiTha ho bazm-e-adu ke bich

masti se darhami hai meri guftugu ke bich

jo chaho tum bhi mujh ko kaho main nashe mein hun

main rahnuma-e-qaum hun, ye ho chuka hai tai

khata raha hun galiyan mazi mein pai-ba-pai

guzri hai umar jail mein lekin ye ta-ba-kai

mera julus le ke meri qaum jab chale

ya hathon-hath lo mujhe manind-e-jam-e-mai

ya thoDi dur sath chalo main nashe mein hun

mujh par bhi waqt aa ke paDe hain yahan kaDe

ye wo zamin hai jis pe gire hain baDe baDe

tum kyun ukhaDte ho wo murde jo hain gaDe

dekhe nahin hain tum ne jo chikne the wo ghaDe

mazur hun jo panw mera be-tarah paDe

tum sargiran to mujh se na ho main nashe mein hun

ye baat aql mein bhi samati nahin hai kuchh

shohrat to muft wote dilati nahin hai kuchh

iman-dari kaam banati nahin hai kuchh

laTh ki zaban bhi mujhe aati nahin hai kuchh

bhagi tumhaari rae to jati nahin hai kuchh

chalta hun main bhi, Tuk to raho, main nashe mein hun

aaya hai waqt aisa jo pahle na tha kabhi

dushwar rasta bhi hai manzil hai dur abhi

public se jhuTe wade bhi kar lete hain sabhi

main nai bhi iKHtiyar ki ye policy jabhi

nazuk-mizaj aap qayamat hain 'mir'-ji

jun shisha mere munh na lago main nashe mein hun

badmast ho gae ho election mein 'jafari'

sar mein nashe ke sath hai sauda-e-rahbari

tum kas jagah ke panch ho kya hai briadri

kyun DhunDte ho mulk mein jo wote ho free

tum hosh mein nahin ho to hai baat dusri

ye kah ke ghar mein baiTh raho main nashe mein hun