maine tumhein chalna sikhaya tha

abhī jaise ye kal kī baat lagtī hai

ki tum chhoTe se guDDe the

tumheñ chalnā nahīñ aatā thā

ghuTnoñ ghuTnoñ chalte the

kabhī kursī kabhī sofa pakaḌ kar jab khaḌe hote

to is chalne kī koshish meñ

tumhāre nanhe-munne paañv aksar Dagmagā jaate

qadam bhī laḌkhaḌā jaate

to maiñ uñglī pakaḌ kar phir tumheñ chalnā sikhātī

phir tumheñ abbū ne ik walker lā diyā

ab tum uḌe phirte kisī ke haath kab aate

phir ik din sub.h jab so kar uThī to maiñ ne dekhā

ki tum binā walker binā koī sahāre apne paañv par khaḌe ho

aur chal rahe ho

phir tum yūñhī chalte rahe chalte rahe chalte rahe

din mahīne aur mahīne sāloñ meñ Dhalte rahe

tum yūñhī chalte rahe

aur chalte chalte ek din

āḳhir itnī duur jā nikle

mirī āñkhoñ se ojhal ho ga.e

maiñ ne tumheñ chalnā sikhāyā thaa!

abhi jaise ye kal ki baat lagti hai

ki tum chhoTe se guDDe the

tumhein chalna nahin aata tha

ghuTnon ghuTnon chalte the

kabhi kursi kabhi sofa pakaD kar jab khaDe hote

to is chalne ki koshish mein

tumhaare nanhe-munne panw aksar Dagmaga jate

qadam bhi laDkhaDa jate

to main ungli pakaD kar phir tumhein chalna sikhati

phir tumhein abbu ne ek walker la diya

ab tum uDe phirte kisi ke hath kab aate

phir ek din subh jab so kar uThi to main ne dekha

ki tum bina walker bina koi sahaare apne panw par khaDe ho

aur chal rahe ho

phir tum yunhi chalte rahe chalte rahe chalte rahe

din mahine aur mahine salon mein Dhalte rahe

tum yunhi chalte rahe

aur chalte chalte ek din

aaKHir itni dur ja nikle

meri aankhon se ojhal ho gae

main ne tumhein chalna sikhaya tha!