aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

is basti ke ek kuche mein

Ibn e Insha

is basti ke ek kuche mein

Ibn e Insha

MORE BYIbn e Insha

    is bastī ke ik kūche meñ ik 'inshā' naam dīvānā

    ik naar pe jaan ko haar gayā mash.hūr hai us afsānā

    us naar meñ aisā ruup na thā jis ruup se din dhuup dabe

    is shahr meñ kyā kyā gorī hai mahtāb-ruḳhe gulnār-labe

    kuchh baat thī us bātoñ meñ kuchh bhed the us chitvan meñ

    vahī bhed ki jot jagāte haiñ kisī chāhne vaale ke man meñ

    use apnā banāne dhun meñ huā aap aap se begāna

    is bastī ke ik kūche meñ ik 'inshā' naam dīvānā

    chanchal khel javānī ke pyaar alhaḌ ghāteñ thiiñ

    bas raah meñ un milnā thā phone pe un bāteñ thiiñ

    is ishq pe ham bhī hañste the be-hāsil be-hāsil thā

    ik zor bipharte sāgar meñ kashtī thī sāhil thā

    jo baat thī in ke meñ thī jo bhed thā yaksar an-jānā

    is bastī ke ik kūche meñ ik 'inshā' naam dīvānā

    ik roz magar barkhā-rut meñ vo bhādoñ thī sāvan thā

    dīvār pe biich samundar ke ye dekhne vāloñ ne dekhā

    mastāna haath meñ haath diye ye ek kagar par baiThe the

    yuuñ shaam huī phir raat huī jab sailānī ghar lauT ga.e

    kyā raat thī vo chāhtā hai us raat pe likkheñ afsānā

    is bastī ke ik kūche meñ ik 'inshā' naam dīvānā

    haañ umr saath nibhāne ke the ahd bahut paimān bahut

    vo jin pe bharosa karne meñ kuchh suud nahīñ nuqsān bahut

    vo naar ye kah kar duur huī 'majbūrī sājan majbūrī'

    ye vahshat se ranjūr hue aur rañjūrī rañjūrī?

    us roz hameñ ma.alūm huā us shaḳhs mushkil samjhānā

    is bastī ke ik kūche meñ ik 'inshā' naam dīvānā

    go aag se chhātī jaltī thī go aañkh se dariyā bahtā thā

    har ek se dukh nahīñ kahtā thā chup rahtā thā ġham sahtā thā

    nādān haiñ vo jo chheḌte haiñ is aalam meñ nā-dānoñ ko

    us shaḳhs se ek javāb milā sab apnoñ ko begānoñ ko

    'kuchh aur kaho to suntā huuñ is baab meñ kuchh mat farmānā'

    is bastī ke ik kūche meñ ik 'inshā' naam dīvānā

    ab aage tahqīq nahīñ go sunñe ko ham sunte the

    us naar jo jo bāteñ thiiñ us naar ke jo jo qisse the

    ik shaam jo us ko bulvāyā kuchh samjhāyā bechāre ne

    us raat ye qissa paak kiyā kuchh khā liyā dukhyāre ne

    kyā baat huī kis taur huī aḳhbār se logoñ ne jaanā

    is bastī ke ik kūche meñ ik inshā naam dīvānā

    har baat khoj to Thiik nahīñ tum ham ko kahānī kahne do

    us naar naam maqām hai kyā is baat pe pardā rahne do

    ham se bhī to saudā mumkin hai tum se bhī jafā ho saktī hai

    ye apnā bayāñ ho saktā hai ye apnī kathā ho ho saktī hai

    vo naar bhī āḳhir pachhtā.ī kis kaam aisā pachhtānā?

    is bastī ke ik kūche meñ ik 'inshā' naam dīvānā

    is basti ke ek kuche mein ek 'insha' nam ka diwana

    ek nar pe jaan ko haar gaya mashhur hai us ka afsana

    us nar mein aisa rup na tha jis rup se din ki dhup dabe

    is shahr mein kya kya gori hai mahtab-ruKHe gulnar-labe

    kuchh baat thi us ki baaton mein kuchh bhed the us ki chitwan mein

    wahi bhed ki jot jagate hain kisi chahne wale ke man mein

    use apna banane ki dhun mein hua aap hi aap se begana

    is basti ke ek kuche mein ek 'insha' nam ka diwana

    na chanchal khel jawani ke na pyar ki alhaD ghaten thin

    bas rah mein un ka milna tha ya phone pe un ki baaten thin

    is ishq pe hum bhi hanste the be-hasil sa be-hasil tha

    ek zor bipharte sagar mein na kashti thi na sahil tha

    jo baat thi in ke ji mein thi jo bhed tha yaksar an-jaana

    is basti ke ek kuche mein ek 'insha' nam ka diwana

    ek roz magar barkha-rut mein wo bhadon thi ya sawan tha

    diwar pe bich samundar ke ye dekhne walon ne dekha

    mastana hath mein hath diye ye ek kagar par baiThe the

    yun sham hui phir raat hui jab sailani ghar lauT gae

    kya raat thi wo ji chahta hai us raat pe likkhen afsana

    is basti ke ek kuche mein ek 'insha' nam ka diwana

    han umr ka sath nibhane ke the ahd bahut paiman bahut

    wo jin pe bharosa karne mein kuchh sud nahin nuqsan bahut

    wo nar ye kah kar dur hui 'majburi sajan majburi'

    ye wahshat se ranjur hue aur ranjuri si ranjuri?

    us roz hamein malum hua us shaKHs ka mushkil samjhana

    is basti ke ek kuche mein ek 'insha' nam ka diwana

    go aag se chhati jalti thi go aankh se dariya bahta tha

    har ek se dukh nahin kahta tha chup rahta tha gham sahta tha

    nadan hain wo jo chheDte hain is aalam mein na-danon ko

    us shaKHs se ek jawab mila sab apnon ko beganon ko

    'kuchh aur kaho to sunta hun is bab mein kuchh mat farmana'

    is basti ke ek kuche mein ek 'insha' nam ka diwana

    ab aage ka tahqiq nahin go sunne ko hum sunte the

    us nar ki jo jo baaten thin us nar ke jo jo qisse the

    ek sham jo us ko bulwaya kuchh samjhaya bechaare ne

    us raat ye qissa pak kiya kuchh kha hi liya dukhyare ne

    kya baat hui kis taur hui aKHbar se logon ne jaana

    is basti ke ek kuche mein ek insha nam ka diwana

    har baat ki khoj to Thik nahin tum hum ko kahani kahne do

    us nar ka nam maqam hai kya is baat pe parda rahne do

    hum se bhi to sauda mumkin hai tum se bhi jafa ho sakti hai

    ye apna bayan ho sakta hai ye apni katha ho ho sakti hai

    wo nar bhi aaKHir pachhtai kis kaam ka aisa pachhtana?

    is basti ke ek kuche mein ek 'insha' nam ka diwana

    Videos
    This video is playing from YouTube

    Videos
    This video is playing from YouTube

    Ibn e Insha

    Ibn e Insha

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now