majburi

maiñ vo tīsrā huuñ

jo ḳhud ko gunahgār mahsūs karne ko majbūr hotā hai

par vāqiye meñ

har ik hādse kī jagah par

ajab imtihāñ hai

agar chup rahūñ to kabūtar ko khā jaa.e billī

uḌā duuñ

to billī mujhe kostī hai

ki maiñ ne use aaj faaqa karāyā

mirī haar donoñ taraf se hai

aur vo bhī is jañg meñ

jis se merā koī duur kā bhī ta.alluq nahīñ hai

ba-zāhir

main wo tisra hun

jo KHud ko gunahgar mahsus karne ko majbur hota hai

par waqiye mein

har ek hadse ki jagah par

ajab imtihan hai

agar chup rahun to kabutar ko kha jae billi

uDa dun

to billi mujhe kosti hai

ki main ne use aaj faqa karaya

meri haar donon taraf se hai

aur wo bhi is jang mein

jis se mera koi dur ka bhi talluq nahin hai

ba-zahir