majburi mein Dubi nazm

apne apne ġhamoñ ne hameñ kaisā shākī kiyā hai

mujhe apne seboñ ko

kal shaam se pahle har haal meñ bechnā hai

koī aa.egā insāñ-numā

cycle pe ghisaTtā huā

jis kī qismat kī rekhāoñ meñ

mustaqil tīrgī hai vo merā nishāna

mire peT ne jab

usūl-o-zavābit kā jaama utārā

qavā.ed ko phir apne dil kī galī se nikālā

mujhe kyā jo masjid ke mīnār par ab

mohabbat bhare phuul khilte nahīñ haiñ

sadā-e-muazzin kī kamzor dastak

samā.at ke dar par khaḌī hāñptī hai

mujhe kyā mire ghar kā chūlhā savālī

mirā peT ḳhālī

mujhe apne seboñ ko har haal meñ bechnā hai

vo insāñ-numā cycle pe ghisaTtā huā

aa rahā hai vo merā nishāna

apne apne ghamon ne hamein kaisa shaki kiya hai

mujhe apne sebon ko

kal sham se pahle har haal mein bechna hai

koi aaega insan-numa

cycle pe ghisaTta hua

jis ki qismat ki rekhaon mein

mustaqil tirgi hai wo mera nishana

mere peT ne jab

usul-o-zawabit ka jama utara

qawaed ko phir apne dil ki gali se nikala

mujhe kya jo masjid ke minar par ab

mohabbat bhare phul khilte nahin hain

sada-e-muazzin ki kamzor dastak

samaat ke dar par khaDi hanpti hai

mujhe kya mere ghar ka chulha sawali

mera peT KHali

mujhe apne sebon ko har haal mein bechna hai

wo insan-numa cycle pe ghisaTta hua

aa raha hai wo mera nishana