marsiya kya hai

nazm jo marne vāloñ ke ġham meñ likheñ

us ko ham ai miyāñ marsiya hī kaheñ

marsiye lucknow meñ likhe jaate the

aur moharram meñ bachcho paḌhe jaate the

jal uThe yuuñ ḳhayāl-o-nazar ke diye

shā.iroñ ne likhe kitne hī marsiye

marsiyoñ meñ mile manzar-e-karbalā

jhuuT aur sach kā hai bachcho ik ma.arka

marsiye ke haiñ shā.ir 'anīs'-o-'dabīr'

marsiye meñ nahīñ in kī koī nazīr

marsiye meñ hai jazbāt kī intihā

hai ye rone rulāne kā ik silsila

ūñchī ik taan se apne īmān se

marsiya tum bhī 'hāfiz' kaho shaan se

nazm jo marne walon ke gham mein likhen

us ko hum ai miyan marsiya hi kahen

marsiye lucknow mein likhe jate the

aur moharram mein bachcho paDhe jate the

jal uThe yun KHayal-o-nazar ke diye

shairon ne likhe kitne hi marsiye

marsiyon mein mile manzar-e-karbala

jhuT aur sach ka hai bachcho ek marka

marsiye ke hain shair 'anis'-o-'dabir'

marsiye mein nahin in ki koi nazir

marsiye mein hai jazbaat ki intiha

hai ye rone rulane ka ek silsila

unchi ek tan se apne iman se

marsiya tum bhi 'hafiz' kaho shan se