mashwara

namī de kar jo miTTī ko

musalsal gūñdhte ho tum

batāo kyā banāoge

koī kuuza koī mūrat yā phir mahbūb kī sūrat

suḳhnavar huuñ kaho to mashvara ik duuñ

ye ghāTe kā hī saudā hai

yahāñ miTTī kī mūrat kī agar āñkheñ banāoge

tumheñ āñkheñ dikhā.egī

tarāshoge zabān us kī to turshī jhel pāoge

agar jo dil banāyā to hazāroñ ḳhvāhisheñ ban kar tumheñ tum se hī māñgegī

atā-e-ḳhil.at-e-ahmar use ḳhud-sar banā degī

vahāñ apnī mohabbat kā jo nādir taaj pahnāyā

ḳhudā ḳhud ko hī samjhegī

abhī bhī vaqt hai maano

irāda multavī kar do

ise miTTī hī rahne do

ise miTTī hī rahne do

nami de kar jo miTTi ko

musalsal gundhte ho tum

batao kya banaoge

koi kuza koi murat ya phir mahbub ki surat

suKHnawar hun kaho to mashwara ek dun

ye ghaTe ka hi sauda hai

yahan miTTi ki murat ki agar aankhen banaoge

tumhein aankhen dikhaegi

tarashoge zaban us ki to turshi jhel paoge

agar jo dil banaya to hazaron KHwahishen ban kar tumhein tum se hi mangegi

ata-e-KHilat-e-ahmar use KHud-sar bana degi

wahan apni mohabbat ka jo nadir taj pahnaya

KHuda KHud ko hi samjhegi

abhi bhi waqt hai mano

irada multawi kar do

ise miTTi hi rahne do

ise miTTi hi rahne do