mauj-e-dariya

ai hasīñ sāhil magar sotā hai tū

tere husn-e-be-ḳhabar par merī bedārī nisār

mere qatroñ kī jabīñ

muztarib sajdoñ kī duniyā-e-niyāz

āstāñ naaz par zauq-e-ibādat kā hujūm

dekh larzāñ saañs

terī diid ko aatī huuñ maiñ

gaatī huī rotī huī

aur tū

iztirār-e-fitrat-e-sīmāb kā rañg-e-adā

terī is shān-e-taġhāful par fidā

sotā hai tū

dard-e-ulfat kī asiir

terī retoñ ko agar maiñ bosa duuñ

hai yahī ik aarzū

ek jumbish ik nigāh

ik sarsarāhaT ek aah

ai mere dil kī devtā

mere ā.īne se mas.hūr-e-jamāl

tamtamā uThte haiñ taare

ġham se ho jaate haiñ dam-bhar ke liye

mun.akis hai mere dāman meñ faroġh-e-māhtāb

ḳhosha-e-parvīñ ki hai shādāb-e-ḳhūn-e-āftāb

pāniyoñ meñ lahlahātā hai ajab andāz se

husn-e-aiman kī bahār

yaad hai chashm-e-kalīm

mere dil ke devtā

sone ko huuñ

ek jumbish ik nigāh

ik sarsarāhaT ek aah

ai mere dil ke devtā

ai hasin sahil magar sota hai tu

tere husn-e-be-KHabar par meri bedari nisar

mere qatron ki jabin

muztarib sajdon ki duniya-e-niyaz

aastan naz par zauq-e-ibaadat ka hujum

dekh larzan sans

teri did ko aati hun main

gati hui roti hui

aur tu

iztirar-e-fitrat-e-simab ka rang-e-ada

teri is shan-e-taghaful par fida

sota hai tu

dard-e-ulfat ki asir

teri reton ko agar main bosa dun

hai yahi ek aarzu

ek jumbish ek nigah

ek sarsarahaT ek aah

ai mere dil ki dewta

mere aaine se mashur-e-jamal

tamtama uThte hain tare

gham se ho jate hain dam-bhar ke liye

munakis hai mere daman mein farogh-e-mahtab

KHosha-e-parwin ki hai shadab-e-KHun-e-aftab

paniyon mein lahlahata hai ajab andaz se

husn-e-aiman ki bahaar

yaad hai chashm-e-kalim

mere dil ke dewta

sone ko hun

ek jumbish ek nigah

ek sarsarahaT ek aah

ai mere dil ke dewta