mausam

saal meñ aate mausam chaar

patjhaḌ garmī sardī bahār

garmī kā hai apnā rang

kar detī hai sab ko tang

garmī joban par jab aa.e

aa kar ye fasloñ ko pakā.e

garmī aa.e aam bhī laa.e

ye ham sab ke dil ko bhaa.e

ḳharbūze tarbūz bhī aa.eñ

sab mil baiTheñ kāTeñ khā.eñ

sardī kā ik apnā maza hai

coat sweater pahan liyā hai

kiinū mālToñ kī kasrat hai

ghar meñ chaltā ye sharbat hai

abbū daftar se ghar aa.eñ

mūñgphalī chilġhoze laa.eñ

baiTh ke sab T v ke aage

kaT kaT kaT kaT khāte jaa.eñ

sardī kā ab zor hai TuuTā

ḳhālī pattoñ se har buuTā

tūfāñ sar sar karte aa.eñ

pattoñ se āñgan bhar jaa.eñ

patjhaḌ aayā ye batlā.eñ

manzar sab ko ye dikhlā.eñ

lo aayā phūloñ kā mausam

kaliyāñ ḳhushbū jugnū shabnam

gulshan kaise jhuum rahe haiñ

panchhī Daal pe ghuum rahe haiñ

giit fazā.eñ gaatī jaa.eñ

har sū rañg bikhrātī jaa.eñ

mil jaatā hai sab ko sukh bhī

rahtā nahīñ baaqī phir dukh bhī

ham mausam ko jaan ga.e haiñ

ham rab ko pahchān ga.e haiñ

sal mein aate mausam chaar

patjhaD garmi sardi bahaar

garmi ka hai apna rang

kar deti hai sab ko tang

garmi joban par jab aae

aa kar ye faslon ko pakae

garmi aae aam bhi lae

ye hum sab ke dil ko bhae

KHarbuze tarbuz bhi aaen

sab mil baiThen kaTen khaen

sardi ka ek apna maza hai

coat sweater pahan liya hai

kinu malTon ki kasrat hai

ghar mein chalta ye sharbat hai

abbu daftar se ghar aaen

mungphali chilghoze laen

baiTh ke sab T w ke aage

kaT kaT kaT kaT khate jaen

sardi ka ab zor hai TuTa

KHali patton se har buTa

tufan sar sar karte aaen

patton se aangan bhar jaen

patjhaD aaya ye batlaen

manzar sab ko ye dikhlaen

lo aaya phulon ka mausam

kaliyan KHushbu jugnu shabnam

gulshan kaise jhum rahe hain

panchhi Dal pe ghum rahe hain

git fazaen gati jaen

har su rang bikhraati jaen

mil jata hai sab ko sukh bhi

rahta nahin baqi phir dukh bhi

hum mausam ko jaan gae hain

hum rab ko pahchan gae hain