maut ka farishta

is baat se koī farq nahīñ paḌtā

ki javān beTe kī maut kis tarah vaaq.e huī

swimming pool meñ Duub jaane se, dimāġh ke sartān se

yā tez-raftār motor-bicycle ke sāmne dīvār ke aa jaane se

is baat se bhī koī farq nahīñ paḌtā

ki marne vaalā zindagī se nabard-āzmā kisī shā.era yā shā.er kā beTā thā

yā rāj-pūt nasl kā koī zinda-dil māzūl shahzāda

yā marne vaale javān beTe kā naam kabīr, tāriq ahad yā kuchh aur thā

javān beTe kī maut

insān ko paanī meñ halāk karne par māmūr farishte ne lī

yā ḳhushkī par insānī ruuh qabz karne ke majāz farishte ne

aisī yā aisī kisī bhī baat se

koī farq nahīñ paḌtā

kyūñki maut kā farishta tīnoñ maqāmāt par

javān beTe ko maañ baap se judā karne meñ nākām rahā

maut kā farishta lagā rahtā hai din raat

apnī nākāmī kā intiqām lene meñ

TukḌe TukḌe kartā rahtā hai

maañ baap kā dil

jaise kaaTā jaatā hai machine ke tez dhaar ब्लेड se

maveshiyoñ kā chāra

koḌe mārtā rahtā hai maañ baap kī zaḳhmī ruuh ko barhana kar ke

ījād kartā rahtā hai nit-na.e tarīqe

maañ baap ke bache-khuche dil ko aziyyat pahuñchāne ke

maut kā farishta dāḳhil ho jaatā hai baġhair ijāzat

kisī shā.er ke bed-rōm meñ raat ḳharāb karne

majbūr kar detā hai shā.er ko

zaḳhmoñ se karāhtī nazm likhne par

is baat se koi farq nahin paDta

ki jawan beTe ki maut kis tarah waqe hui

swimming pool mein Dub jaane se, dimagh ke sartan se

ya tez-raftar motor-bicycle ke samne diwar ke aa jaane se

is baat se bhi koi farq nahin paDta

ki marne wala zindagi se nabard-azma kisi shaera ya shaer ka beTa tha

ya raj-put nasl ka koi zinda-dil mazul shahzada

ya marne wale jawan beTe ka nam kabir, tariq ahad ya kuchh aur tha

jawan beTe ki maut

insan ko pani mein halak karne par mamur farishte ne li

ya KHushki par insani ruh qabz karne ke majaz farishte ne

aisi ya aisi kisi bhi baat se

koi farq nahin paDta

kyunki maut ka farishta tinon maqamat par

jawan beTe ko man bap se juda karne mein nakaam raha

maut ka farishta laga rahta hai din raat

apni nakaami ka intiqam lene mein

TukDe TukDe karta rahta hai

man bap ka dil

jaise kaTa jata hai machine ke tez dhaar ब्लेड se

maweshiyon ka chaara

koDe marta rahta hai man bap ki zaKHmi ruh ko barhana kar ke

ijad karta rahta hai nit-nae tariqe

man bap ke bache-khuche dil ko aziyyat pahunchane ke

maut ka farishta daKHil ho jata hai baghair ijazat

kisi shaer ke bed-room mein raat KHarab karne

majbur kar deta hai shaer ko

zaKHmon se karahti nazm likhne par