maut ke us taraf

maut ke us taraf

koī sirr-e-nihāñ hai ki bāzār hai

kyā sitāroñ kā tābāñ koī qāfila

yā buland aur tārīk dīvār hai

ḳhaak uḌtī hai yā ḳhushbueñ haiñ ravāñ

koī sahrā hai yā ik chaman-zār hai

koī apnā bhī hai

yā hujūm-e-balā shahr-e-aġhyār hai

koī zinda bhī hai

yā ki har samt nāshoñ kā ambār hai

ik ḳhalā hai ki phir

bār-e-imkān hai

raah pur-ḳhār hai

jañg hai amn hai

faisla hai vahāñ

jiit hai haar hai

maut ke us taraf

kuchh nahīñ hai to kyuuñ

sar pe āvezāñ vahshat kī talvār hai

maiñ huuñ yā

nuqta-e-be-amāñ

jism ke dā.ere meñ giraftār hai

tū hai yā

ā.ina-sāz

val-asr kā

mahv-e-dīdār hai

maut ke us taraf

koi sirr-e-nihan hai ki bazar hai

kya sitaron ka taban koi qafila

ya buland aur tarik diwar hai

KHak uDti hai ya KHushbuen hain rawan

koi sahra hai ya ek chaman-zar hai

koi apna bhi hai

ya hujum-e-bala shahr-e-aghyar hai

koi zinda bhi hai

ya ki har samt nashon ka ambar hai

ek KHala hai ki phir

bar-e-imkan hai

rah pur-KHar hai

jang hai amn hai

faisla hai wahan

jit hai haar hai

maut ke us taraf

kuchh nahin hai to kyun

sar pe aawezan wahshat ki talwar hai

main hun ya

nuqta-e-be-aman

jism ke daere mein giraftar hai

tu hai ya

aaina-saz

wal-asr ka

mahw-e-didar hai