maut

vaa.iz

apne chehre pe nabātāt ugā luuñ to chalūñ

itr kuchh mal luuñ zarā ḳhud ko sajā luuñ to chalūñ

murġh biryānī dahī qorma khā luuñ to chalūñ

aur phūlā huā ye peT chhupā luuñ to chalūñ

vazīr

ik shabistān-e-tamannā hai jahāñ kuchh bhī nahīñ

bar na aa.ī hui ummīdoñ se huuñ ġham-āgīñ

uf ye phailī huī shādāb-o-ḳhush-ā.ind zamīñ

is pe do-chār mahal aur banā luuñ to chalūñ

shauhar

vo kahāñ mar ga.ī aa.ī thī abhī aur chal dī

ghar meñ sab ḳhatm hai bāzār se lā.ūñ haldī

kisī ḳhairātī shifā-ḳhāne meñ jā kar jaldī

apne nanhe ko maiñ inDōr karā luuñ to chalūñ

clerk

raat bhar jaag ke rough draft banā luuñ jā kar

apne rūThe hue sāhab ko manā luuñ jā kar

aur ruḳhsat vahīñ manzūr karā luuñ jā kar

phir double roTī ke do toast bhī khā luuñ to chalūñ

mister

dry cleaner se vo patlūn jo aa.ī laanā

jo double rate pe aa.ī hai dhulā.ī laanā

pin lagā ke vo jo tie hai parā.ī laanā

maiñ zarā apnī attachi ko sambhālūñ to chalūñ

waiz

apne chehre pe nabaatat uga lun to chalun

itr kuchh mal lun zara KHud ko saja lun to chalun

murgh biryani dahi qorma kha lun to chalun

aur phula hua ye peT chhupa lun to chalun

wazir

ek shabistan-e-tamanna hai jahan kuchh bhi nahin

bar na aai hui ummidon se hun gham-agin

uf ye phaili hui shadab-o-KHush-aind zamin

is pe do-chaar mahal aur bana lun to chalun

shauhar

wo kahan mar gai aai thi abhi aur chal di

ghar mein sab KHatm hai bazar se laun haldi

kisi KHairaati shifa-KHane mein ja kar jaldi

apne nanhe ko main inDoor kara lun to chalun

clerk

raat bhar jag ke rough draft bana lun ja kar

apne ruThe hue sahab ko mana lun ja kar

aur ruKHsat wahin manzur kara lun ja kar

phir double roTi ke do toast bhi kha lun to chalun

mister

dry cleaner se wo patlun jo aai lana

jo double rate pe aai hai dhulai lana

pin laga ke wo jo tie hai parai lana

main zara apni attachi ko sambhaalun to chalun