mera raj-kumar

bahut ḳhush thī maiñ aaj

na hotī maiñ kaash

kisī kī zarūr nazar lagī hogī

kisī ko to maiñ ḳhush burī lagī hoñgī

kisī ne to mere aañsū māñge hoñge

kuchh to mujh se vo chāhte hoñge

ki nazar se andhī laḌkī ko

ḳhushiyāñ nazar na aa.eñ

ki phir se koī tūfān is par

ġhamoñ kā pahāḌ laa.e

aur dekho to ye nazar bhī kyā ḳhuub khelī

mujh se merī har hañsī le lī

zindagī chhīn mujhe raah par lā diyā

ai nazar ye tū ne kyā kiyā

mujhe aisā patī de diyā

jānte haiñ maiñ bahut ḳhush thī aaj

ye din pahle aaya hotā kaash

maiñ sañvar saj rahī thī

dil meñ shahnā.ī baj rahī thī

koī to rāj-kumār thā

jo mujhe paane ko be-qarār thā

mujh se pyaar bahut vo kartā thā

mujhe khone se bhī Dartā thā

is liye to

haañ roī thī maiñ

par vidā.ī par bhī ḳhush thī

dil maiñ ummīdeñ kuchh thī

chehra un kā dekhnā merā sapnā thā

vo chehra jo ab se merā apnā thā

vo chehra jise mahsūs kiyā karūñgī

na jaanā vo chehra jis se maiñ roz Darā karūñgī

kyūñki vo chehra koī to rāj-kumār thā

mujhe paane ko be-qarār thā

vidā.ī ke baad kī raat aa.ī thī

maiñ pahlī baar pyaar se kuchh yuuñ sharmā.ī thī

āñkheñ na sahī par dil mere paas thā

us dil meñ basā ab koī ḳhaas thā

maiñ kaan lagā kar suntī rahī

bin āñkheñ bhī rāheñ taktī rahī

isī soch meñ rainā bīt.tī ga.ī

merī ḳhushiyāñ har soch se jīt.tī ga.ī

āḳhir pyaar maiñ ne paaya thā

ye pyaar mujhe jannat meñ laaya thā

biitī raat kā phir intizār rukā

ek dam se mere kamre kā darvāza khulā

isī beach meñ kuchh aahaT huī

jis se ḳhushī nahīñ mujhe ghabrāhaT huī

kaun hai merā barso purānā savāl thā

tumhārā patī is javāb kā ḳhayāl thā

aisā lagā maano ye akele na the

saath meñ in ke kuchh mehmāñ the

shāyad chheḌne aa.e hoñge

mujh tak in ko laa.e hoñge

par nahīñ ye āvāzeñ qarīb thī

behad qarīb

jaise vo kamre meñ maujūd hoñ

jaise ḳhatre meñ merā vajūd ho

maiñ uThne vaalī thī

kuchh pūchhne vaalī thī

ke tabhī ek haath rukā mere kandhoñ par

phisalne lagā mere gāloñ par mere bāloñ par

mujhe achchhā na lagā

ye pyaar sachchā na lagā

kuchh to gaḌbaḌ chal rahī thī

merī ruuh jal rahī thī

kuchh kahnā chāhtī thī

kuchh jānñā chāhtī thī

kuchh pūchhnā chāhtī thī

maiñ sahī thī vo akele na the

par saath meñ un ke mehmāñ na the

vo haivān the ye haivān the

mujhe parat dar parat vo kholte ga.e

maiñ chillātī rahī vo mujhe nochte ga.e

baarī baarī se merī jism shikār huā

merā dil bharosa sab taar taar huā

us kī hañsī mujhe chubh rahī thī

uñgliyāñ vo mujhe dikhī rahī thī

maiñ dekh nahīñ saktī thī

par an-dekhī kaise kartī

maiñ ne ḳhvāb bune the

kuchh lamhe chune the

un ke saath bitāne ko

unheñ apnā banāne ko

kyūñki

ye vo rāj-kumār thā

jo mujhe paane ko be-qarār thā

mujh se pyaar bahut kartā thā

mujhe khone se bhī Dartā thā

is liye to

merī izzat ko tār-tār kiyā

mujhe toḌ diyā mujhe maar diyā

jaane man gintī mat roknā gintī rahnā

jaane man kyuuñ maza to aa rahā hai na

aise ek dulhan kī tārīf ho rahī thī

aise ek dulhan kī qismat so rahī thī

aise ek raat shānt ro rahī thī

aise merī suhāg raat ho rahī thī

maiñ tham se gir ga.ī

lagā unheñ maiñ mar ga.ī

sab jaane lage

to mere patī mere paas aane lage

mujh se pyaar jo karte the

mujhe khone se jo Darte the

mujhe pyaar se aa kar vo kosne lage

be-jān sharīr ko phir vo nochne lage

sharāb ke nashe meñ vahīñ paḌe Dolne lage

haath maroḌ kar

ḳharāb raat ko bolne lage

phir achānak ek dard ne jaise tamācha maarā

na jaane kahāñ se himmat kā sailāb aaya

himmat jo dil TūTne kī thī

himmat jo ḳhvāb rūThne kī thī

himmat jo bhaag phūTne kī thī

himmat jis kī zarūrat na jaane kitnī thī

maiñ ne jhaT se dhakkā diyā

un kī hālat ko pakkā kiyā

maiñ kamre meñ ghūmne lagī

shāyad kuchh DhūñDhne lagī

idhar udhar haath pherne lagī

pahlī baar maiñ āñkh-micholī khelne lagī

kahīñ to kuchh mil jaa.e

jis se merī jaan bach paa.e

maiñ bhaag sako yahāñ se bach kar kaise

par sabaq un ko sikhā.ūñ kaise

tabhī kuchh haath meñ piinī chiiz lagī

sho.aloñ ko jaise māchis milī

maiñ ne vahī uThā kar de maarā

ek do tiin

jaane man gintī mat roknā ginte rahnā

jaane man kyuuñ maza to aa rahā hai na

bilkul

maiñ gintī nahīñ rokūñ gī gintī rahūñgī

tere andar se ḳhuun ban kar girtī rahūñgī

un kī chīkh sukūn de rahī thī

har aah dobāra ginñe kā junūn de rahī thī

par mujhe nikalnā thā

so bach kar vahāñ se bhaag niklī

jab aa.ī hoñ yahāñ to bas ek chīkh niklī

āñkhoñ ke bin maiñ ne duniyā dekh lī

apne hī hāthoñ se maiñ ne jañg jiit lī

ab jā kar kahīñ na.ī duniyā dekhūñgī

phir kahīñ ke logoñ se kuchh nayā dekhūñgī

to us ke liye nikaltī huuñ

zarā pairoñ meñ dam bhartī huuñ

par us se pahle

jab itnā sunā to naam bhī sunte jaao

merā kaam bhī to sunte jaao

maiñ hāshiya andhī huuñ

khudā kī vo bandī huuñ

jo andhoñ ko laḌnā sikhātī huuñ

jab koī chiiz Darātī hai

un par koī musībat aatī hai

maiñ hāshiya andhī huuñ

bahut KHush thi main aaj

na hoti main kash

kisi ki zarur nazar lagi hogi

kisi ko to main KHush buri lagi hongi

kisi ne to mere aansu mange honge

kuchh to mujh se wo chahte honge

ki nazar se andhi laDki ko

KHushiyan nazar na aaen

ki phir se koi tufan is par

ghamon ka pahaD lae

aur dekho to ye nazar bhi kya KHub kheli

mujh se meri har hansi le li

zindagi chhin mujhe rah par la diya

ai nazar ye tu ne kya kiya

mujhe aisa pati de diya

jaante hain main bahut KHush thi aaj

ye din pahle aaya hota kash

main sanwar saj rahi thi

dil mein shahnai baj rahi thi

koi to raj-kumar tha

jo mujhe pane ko be-qarar tha

mujh se pyar bahut wo karta tha

mujhe khone se bhi Darta tha

is liye to

han roi thi main

par widai par bhi KHush thi

dil main ummiden kuchh thi

chehra un ka dekhna mera sapna tha

wo chehra jo ab se mera apna tha

wo chehra jise mahsus kiya karungi

na jaana wo chehra jis se main roz Dara karungi

kyunki wo chehra koi to raj-kumar tha

mujhe pane ko be-qarar tha

widai ke baad ki raat aai thi

main pahli bar pyar se kuchh yun sharmai thi

aankhen na sahi par dil mere pas tha

us dil mein basa ab koi KHas tha

main kan laga kar sunti rahi

bin aankhen bhi rahen takti rahi

isi soch mein raina bitti gai

meri KHushiyan har soch se jitti gai

aaKHir pyar main ne paya tha

ye pyar mujhe jannat mein laya tha

biti raat ka phir intizar ruka

ek dam se mere kamre ka darwaza khula

isi beach mein kuchh aahaT hui

jis se KHushi nahin mujhe ghabrahaT hui

kaun hai mera barso purana sawal tha

tumhaara pati is jawab ka KHayal tha

aisa laga mano ye akele na the

sath mein in ke kuchh mehman the

shayad chheDne aae honge

mujh tak in ko lae honge

par nahin ye aawazen qarib thi

behad qarib

jaise wo kamre mein maujud hon

jaise KHatre mein mera wajud ho

main uThne wali thi

kuchh puchhne wali thi

ke tabhi ek hath ruka mere kandhon par

phisalne laga mere galon par mere baalon par

mujhe achchha na laga

ye pyar sachcha na laga

kuchh to gaDbaD chal rahi thi

meri ruh jal rahi thi

kuchh kahna chahti thi

kuchh jaanna chahti thi

kuchh puchhna chahti thi

main sahi thi wo akele na the

par sath mein un ke mehman na the

wo haiwan the ye haiwan the

mujhe parat dar parat wo kholte gae

main chillati rahi wo mujhe nochte gae

bari bari se meri jism shikar hua

mera dil bharosa sab tar tar hua

us ki hansi mujhe chubh rahi thi

ungliyan wo mujhe dikhi rahi thi

main dekh nahin sakti thi

par an-dekhi kaise karti

main ne KHwab bune the

kuchh lamhe chune the

un ke sath bitane ko

unhen apna banane ko

kyunki

ye wo raj-kumar tha

jo mujhe pane ko be-qarar tha

mujh se pyar bahut karta tha

mujhe khone se bhi Darta tha

is liye to

meri izzat ko tar-tar kiya

mujhe toD diya mujhe mar diya

jaane man ginti mat rokna ginti rahna

jaane man kyun maza to aa raha hai na

aise ek dulhan ki tarif ho rahi thi

aise ek dulhan ki qismat so rahi thi

aise ek raat shant ro rahi thi

aise meri suhag raat ho rahi thi

main tham se gir gai

laga unhen main mar gai

sab jaane lage

to mere pati mere pas aane lage

mujh se pyar jo karte the

mujhe khone se jo Darte the

mujhe pyar se aa kar wo kosne lage

be-jaan sharir ko phir wo nochne lage

sharab ke nashe mein wahin paDe Dolne lage

hath maroD kar

KHarab raat ko bolne lage

phir achanak ek dard ne jaise tamacha mara

na jaane kahan se himmat ka sailab aaya

himmat jo dil TuTne ki thi

himmat jo KHwab ruThne ki thi

himmat jo bhag phuTne ki thi

himmat jis ki zarurat na jaane kitni thi

main ne jhaT se dhakka diya

un ki haalat ko pakka kiya

main kamre mein ghumne lagi

shayad kuchh DhunDhne lagi

idhar udhar hath pherne lagi

pahli bar main aankh-micholi khelne lagi

kahin to kuchh mil jae

jis se meri jaan bach pae

main bhag sako yahan se bach kar kaise

par sabaq un ko sikhaun kaise

tabhi kuchh hath mein pini chiz lagi

shoalon ko jaise machis mili

main ne wahi uTha kar de mara

ek do tin

jaane man ginti mat rokna ginte rahna

jaane man kyun maza to aa raha hai na

bilkul

main ginti nahin rokun gi ginti rahungi

tere andar se KHun ban kar girti rahungi

un ki chikh sukun de rahi thi

har aah dobara ginne ka junun de rahi thi

par mujhe nikalna tha

so bach kar wahan se bhag nikli

jab aai hon yahan to bas ek chikh nikli

aankhon ke bin main ne duniya dekh li

apne hi hathon se main ne jang jit li

ab ja kar kahin nai duniya dekhungi

phir kahin ke logon se kuchh naya dekhungi

to us ke liye nikalti hun

zara pairon mein dam bharti hun

par us se pahle

jab itna suna to nam bhi sunte jao

mera kaam bhi to sunte jao

main hashiya andhi hun

khuda ki wo bandi hun

jo andhon ko laDna sikhati hun

jab koi chiz Daraati hai

un par koi musibat aati hai

main hashiya andhi hun