mera saya

mujhe tum se koī mohabbat na ulfat

ta.alluq bhī ab hai barā-e-ta.alluq

magar tum se jab bhī milā huuñ

mujhe merā saaya

jise maiñ vahīñ chhoḌ aayā

jahāñ vo ḳhayāloñ kī vaadī meñ

ḳhvāhish kī titlī ke pīchhe uḌā jā rahā thā

tumhārī ghanī zulf kī badliyoñ meñ

zamīñ se bahut duur lekin

mere pair meñ Dor aisī bañdhī thī

ki jis ne mujhe badliyoñ se uThā kar

zamīñ par biThā kar

mere chāroñ jānib ka.ī dā.ere bun diye haiñ

hai dushvār jin se nikalnā

magar tum se jab bhī milā huuñ

mujhe merā saaya bahut yaad aayā

mujhe tum se koi mohabbat na ulfat

talluq bhi ab hai bara-e-talluq

magar tum se jab bhi mila hun

mujhe mera saya

jise main wahin chhoD aaya

jahan wo KHayalon ki wadi mein

KHwahish ki titli ke pichhe uDa ja raha tha

tumhaari ghani zulf ki badliyon mein

zamin se bahut dur lekin

mere pair mein Dor aisi bandhi thi

ki jis ne mujhe badliyon se uTha kar

zamin par biTha kar

mere chaaron jaanib kai daere bun diye hain

hai dushwar jin se nikalna

magar tum se jab bhi mila hun

mujhe mera saya bahut yaad aaya