mere gham-KHwar

ye jo mire ġham-ḳhvār haiñ yaaro

bahut baḌe makkār haiñ yaaro

sūrat se kaam aane vaale

andar se be-kār haiñ yaaro

daulat in kā diin aur īmāñ

matlab ke sab yaar haiñ yaaro

gul kī ḳhushbū bech ke ab ye

gulshan se bezār haiñ yaaro

ye sach-much ġhaddār haiñ yaaro

ye jo mire ġham-ḳhvār haiñ yaaro

bātoñ meñ sharmāte haiñ

har qīmat par bik jaate haiñ

diin se jo begāna kar deñ

aisī bāteñ samjhāte haiñ

hamdardī kā Dhoñg rachā kar

tarsāte haiñ taḌpāte haiñ

chiknī-chupḌī bāteñ kar ke

zehnoñ ko bhī uljhāte haiñ

ulTī sīdhī tahrīroñ ke

rañg dikhā kar bahkāte haiñ

pakke duniyā-dār haiñ yaaro

ye jo mire ġham-ḳhvār haiñ yaaro

dekhūñ in fankāroñ kā fan

saaf nahīñ hai jin kā dāman

soz-e-haqīqat naġhma naġhma

sho.ala sho.ala chilman chilman

husn kī rusvā.ī kā baa.is

ishq vafā tahzīb ke dushman

kitne pyāre hamsā.e haiñ

alag alag bhī shaiḳh-o-barahman

kitne pyāre hamsā.e haiñ

alag alag bhī shaiḳh-o-barahman

nā-dānoñ ko raas nahīñ haiñ

insānī rishtoñ ke bandhan

apnoñ se bezār haiñ yaaro

ye jo mire ġham-ḳhvār haiñ yaaro

insānoñ kī shaan alag hai

diin alag īmān alag hai

vaqt kī sarsoñ phuul rahī hai

jism alag hai jaan alag hai

apne saaz aur apnī dhun meñ

jiine kā sāmān alag hai

apnī apnī saf ke andar

munshī aur dahqān alag hai

sab ke Thekedār haiñ yaaro

ye jo mire ġham-ḳhvār haiñ yaaro

dukh dete dukh paate bhī haiñ

khāte bhī haiñ girāte bhī haiñ

jaan ke dushman hamdardī kī

bātoñ ko dohrāte bhī haiñ

daaġh jo in ke dāman par hoñ

daulat se dhul jaate bhī haiñ

amn kī ḳhātir aane vaale

zulm hazāroñ Dhāte bhī haiñ

phūl-numā ye ḳhaar haiñ yaaro

ye jo mire ġham-ḳhvār haiñ yaaro

ye jo mere gham-KHwar hain yaro

bahut baDe makkar hain yaro

surat se kaam aane wale

andar se be-kar hain yaro

daulat in ka din aur iman

matlab ke sab yar hain yaro

gul ki KHushbu bech ke ab ye

gulshan se bezar hain yaro

ye sach-much ghaddar hain yaro

ye jo mere gham-KHwar hain yaro

baaton mein sharmate hain

har qimat par bik jate hain

din se jo begana kar den

aisi baaten samjhate hain

hamdardi ka Dhong racha kar

tarsate hain taDpate hain

chikni-chupDi baaten kar ke

zehnon ko bhi uljhate hain

ulTi sidhi tahriron ke

rang dikha kar bahkate hain

pakke duniya-dar hain yaro

ye jo mere gham-KHwar hain yaro

dekhun in fankaron ka fan

saf nahin hai jin ka daman

soz-e-haqiqat naghma naghma

shoala shoala chilman chilman

husn ki ruswai ka bais

ishq wafa tahzib ke dushman

kitne pyare hamsae hain

alag alag bhi shaiKH-o-barahman

kitne pyare hamsae hain

alag alag bhi shaiKH-o-barahman

na-danon ko ras nahin hain

insani rishton ke bandhan

apnon se bezar hain yaro

ye jo mere gham-KHwar hain yaro

insanon ki shan alag hai

din alag iman alag hai

waqt ki sarson phul rahi hai

jism alag hai jaan alag hai

apne saz aur apni dhun mein

jine ka saman alag hai

apni apni saf ke andar

munshi aur dahqan alag hai

sab ke Thekedar hain yaro

ye jo mere gham-KHwar hain yaro

dukh dete dukh pate bhi hain

khate bhi hain giraate bhi hain

jaan ke dushman hamdardi ki

baaton ko dohraate bhi hain

dagh jo in ke daman par hon

daulat se dhul jate bhi hain

amn ki KHatir aane wale

zulm hazaron Dhate bhi hain

phul-numa ye KHar hain yaro

ye jo mere gham-KHwar hain yaro