mere pas bahut si baaten hain

mere paas

bahut sī bāteñ haiñ

jo maiñ ne zindagī se kashīd kiiñ

chāhe achchhī ho yā burī

baat sunāne ke liye hotī hai

aur maiñ ne aisā nahīñ kiyā

baat

zindagī kī amānat hai

jise lauTāna paḌtā hai

maiñ bātoñ ko paTTe bāñdh kar

jam.a kartā rahā

bātoñ kā baaḌā

vasī.a hotā chalā gayā

aur merā surūr bhī

ek rose

ek baat mujh par bhauñktī hai

merā ḳhumār TūTtā hai

maiñ

chauñk kar dekhtā huuñ

ek ke ba.ad dūsrī

aur dūsrī ke ba.ad tīsrī

vo sab

mujh par bhauñkne lagtī haiñ

maiñ

unheñ chumkārtā huuñ

magar be-sūd

shor se merā dimāġh bhar jaatā hai

mujhe

kuchh bhī nahīñ sūjhtā

aur maiñ bhī

bhauñknā shurūa kar detā huuñ

mere pas

bahut si baaten hain

jo main ne zindagi se kashid kin

chahe achchhi ho ya buri

baat sunane ke liye hoti hai

aur main ne aisa nahin kiya

baat

zindagi ki amanat hai

jise lauTana paDta hai

main baaton ko paTTe bandh kar

jama karta raha

baaton ka baDa

wasia hota chala gaya

aur mera surur bhi

ek rose

ek baat mujh par bhaunkti hai

mera KHumar TuTta hai

main

chaunk kar dekhta hun

ek ke baad dusri

aur dusri ke baad tisri

wo sab

mujh par bhaunkne lagti hain

main

unhen chumkarta hun

magar be-sud

shor se mera dimagh bhar jata hai

mujhe

kuchh bhi nahin sujhta

aur main bhi

bhaunkna shurua kar deta hun