mere pyare

mere pyāre vatan mere pyāre vatan

terī dhartī ko jhūlā jhulā.e gagan

terī miTTī kī ḳhushbū mire giit meñ

tere jharnoñ kī lai mere sangīt meñ

terī zulfoñ se mahkī hai fikr-e-suḳhan

mere pyāre vatan mere pyāre vatan

parbatoñ par birāje hue devtā

bargadī chhāñv meñ sādhūoñ kī kathā

tujh se zinda hai tahzīb kā bāñkpan

mere pyāre vatan mere pyāre vatan

sar hai tāj-e-himāla sañbhāle hue

paañv lanka kī pāzeb Daale hue

jism kī jot se bhiik māñge kiran

mere pyāre vatan mere pyāre vatan

shahr yūñhī tire jagmagāte raheñ

gaañv miTTī se sonā ugāte raheñ

roz baḌhtī rahe raunaq-e-anjuman

mere pyāre vatan mere pyāre vatan

mere pyare watan mere pyare watan

teri dharti ko jhula jhulae gagan

teri miTTi ki KHushbu mere git mein

tere jharnon ki lai mere sangit mein

teri zulfon se mahki hai fikr-e-suKHan

mere pyare watan mere pyare watan

parbaton par biraje hue dewta

bargadi chhanw mein sadhuon ki katha

tujh se zinda hai tahzib ka bankpan

mere pyare watan mere pyare watan

sar hai taj-e-himala sanbhaale hue

panw lanka ki pazeb Dale hue

jism ki jot se bhik mange kiran

mere pyare watan mere pyare watan

shahr yunhi tere jagmagate rahen

ganw miTTi se sona ugate rahen

roz baDhti rahe raunaq-e-anjuman

mere pyare watan mere pyare watan