meri bachchi

merī bachchī maiñ aa.uuñ na aa.uuñ

aane vaalā zamāna hai terā

tere nanhe se dil ko dukhoñ ne

maiñ ne maanā ki hai aaj gherā

aane vaalā zamāna hai terā

terī aashā kī bagiyā khilegī

chāñd kī tujh ko guḌiyā milegī

terī āñkhoñ meñ aañsū na hoñge

ḳhatm hogā sitam kā añdherā

aane vaalā zamāna hai terā

dard kī raat hai koī dam kī

TuuT jā.egī zanjīr ġham kī

muskurā.egī har aas terī

le ke aa.egā ḳhushiyāñ saverā

aane vaalā zamāna hai terā

sach kī rāhoñ meñ jo mar ga.e haiñ

fāsle muḳhtasar kar ga.e haiñ

dukh na jheleñge ham muñh chhupā ke

sukh na lūTegā koī luTerā

aane vaalā zamāna hai terā

meri bachchi main aaun na aaun

aane wala zamana hai tera

tere nanhe se dil ko dukhon ne

main ne mana ki hai aaj ghera

aane wala zamana hai tera

teri aasha ki bagiya khilegi

chand ki tujh ko guDiya milegi

teri aankhon mein aansu na honge

KHatm hoga sitam ka andhera

aane wala zamana hai tera

dard ki raat hai koi dam ki

TuT jaegi zanjir gham ki

muskuraegi har aas teri

le ke aaega KHushiyan sawera

aane wala zamana hai tera

sach ki rahon mein jo mar gae hain

fasle muKHtasar kar gae hain

dukh na jhelenge hum munh chhupa ke

sukh na luTega koi luTera

aane wala zamana hai tera