meri pur-tashaddud zindagi

ham har sub.h milte haiñ

magar bahut kam guftugū karte haiñ

phir bhī kabhī aisā nahīñ hotā

ki maiñ na sochūñ

ki maiñ ne pichhlā din kaise guzārā thā

maiñ ne Thiik Thiik khānā khāyā thā

kalaf lage kapḌe pahne the

ek car meñ safar kiyā thā

saaf suthrī mez par kaam kiyā thā

ghar kī kuchh purānī chīzeñ

na.ī chīzoñ se badal dene ke liye sochā thā

aur garmī se niiñd na aane par

bil-āḳhir air conditioner on kar diyā thā

tum ne zāhir hai ye sab kuchh nahīñ kiyā thā

ab maiñ apnī pur-tashaddud zindagī ko badalne ke liye

tāqat kahāñ se lā.ūñ

koī doctor to kyā hī batā.egā

kabhī mujh se baat karo

to shāyad tum hī batā sako

hum har subh milte hain

magar bahut kam guftugu karte hain

phir bhi kabhi aisa nahin hota

ki main na sochun

ki main ne pichhla din kaise guzara tha

main ne Thik Thik khana khaya tha

kalaf lage kapDe pahne the

ek car mein safar kiya tha

saf suthri mez par kaam kiya tha

ghar ki kuchh purani chizen

nai chizon se badal dene ke liye socha tha

aur garmi se nind na aane par

bil-aKHir air conditioner on kar diya tha

tum ne zahir hai ye sab kuchh nahin kiya tha

ab main apni pur-tashaddud zindagi ko badalne ke liye

taqat kahan se laun

koi doctor to kya hi bataega

kabhi mujh se baat karo

to shayad tum hi bata sako