mere watan ki chand sar-zamin

ba-har qadam manāzir-e-hasīñ

sunahrī sub.h shaam surmagīñ

ye ḳhāk-e-zar ye āb-e-ātashīñ

jhukī hai ehtirām se jabīñ

mire vatan kī chāñd sar-zamīñ

ba iiñ mizāj-e-āb-o-gil avaam

pahāḌ jaise mustaqil avaam

karoḌoñ jism ek dil avaam

batā.iye nazar meñ haiñ kahīñ

mire vatan kī chāñd sar-zamīñ

zamāne bhar ko amn kā payām

pilā rahī hai shāñtī ke jaam

bulandiyoñ kī samt tez-gām

magar kisī se dushmanī nahīñ

mire vatan kī chāñd sar-zamīñ

sipāh ek Toliyāñ ka.ī

mahal vahī rañgoliyāñ ka.ī

payām ek boliyāñ ka.ī

misāl is kī dūsrī nahīñ

mire vatan kī chāñd sar-zamīñ

ba-har qadam manazir-e-hasin

sunahri subh sham surmagin

ye KHak-e-zar ye aab-e-atashin

jhuki hai ehtiram se jabin

mere watan ki chand sar-zamin

ba in mizaj-e-ab-o-gil awam

pahaD jaise mustaqil awam

karoDon jism ek dil awam

bataiye nazar mein hain kahin

mere watan ki chand sar-zamin

zamane bhar ko amn ka payam

pila rahi hai shanti ke jam

bulandiyon ki samt tez-gam

magar kisi se dushmani nahin

mere watan ki chand sar-zamin

sipah ek Toliyan kai

mahal wahi rangoliyan kai

payam ek boliyan kai

misal is ki dusri nahin

mere watan ki chand sar-zamin