meri hijraton ki zamin par teri chahaton se likha hua

tirā ek ḳhat mire paas hai vo mohabbatoñ se likhā huā

thī vo fāsloñ kī tapish ajab mire hausle bhī pighal ga.e

jahāñ soz-e-hijr kā zikr hai vahīñ koī aañsū girā huā

vahī ek tishna sī aarzū kabhī qarz jis kā adā na ho

pas-e-harf shikve hazār huuñ sar-e-lafz koī gila na ho

tirī aarzū tirī ḳhvāhishoñ kā koī hisāb na likh sakā

maiñ sarāpā ḳhud hī savāl thā so koī javāb na likh sakā

koī aisā ḳhat mujhe bhej phir

jo samajh sake mire rat-jagoñ kī zabān ko

mirī laġhzishoñ kī takān ko

mirī bebasī ke bayān ko

tujhe kyā pata tujhe kyā ḳhabar

mire ham-safar

kabhī raushnā.ī meñ Dhal gayā kabhī bah gayā mirī aañkh se

vahī ek dard jise kabhī mire lab bayān na kar sake

tera ek KHat mere pas hai wo mohabbaton se likha hua

thi wo faslon ki tapish ajab mere hausle bhi pighal gae

jahan soz-e-hijr ka zikr hai wahin koi aansu gira hua

wahi ek tishna si aarzu kabhi qarz jis ka ada na ho

pas-e-harf shikwe hazar hun sar-e-lafz koi gila na ho

teri aarzu teri KHwahishon ka koi hisab na likh saka

main sarapa KHud hi sawal tha so koi jawab na likh saka

koi aisa KHat mujhe bhej phir

jo samajh sake mere rat-jagon ki zaban ko

meri laghzishon ki takan ko

meri bebasi ke bayan ko

tujhe kya pata tujhe kya KHabar

mere ham-safar

kabhi raushnai mein Dhal gaya kabhi bah gaya meri aankh se

wahi ek dard jise kabhi mere lab bayan na kar sake