meri main jashn-e-shab-e-munawwar

ghar ai dil-e-be-qarār zindāñ se kam nahīñ qaid kaun kaaTe

hasīn sarmā kā chāñd dīvāna-vār ko bulā rahā hai

fusūn-e-mahtāb kī qasam hai phir aaj shab kuchh na likh sakūñgā

phir aaj ghar meñ na rah sakūñgā

ki ik junūñ sā hai mujh pe taarī

manāzir-e-koh-o-kunj jashn-e-shab-e-munavvar manā rahe haiñ

bulā rahe haiñ mujhe mire vāste qayāmat uThā rahe haiñ

ġhazab kī us barf-basta ThanDī havā meñ sailāb chāñdnī kā

badan to hai munjamid ragoñ meñ lahū magar tamtamā rahā hai

balā kī hai sard raat lekin maiñ aaj āvārgī karūñgā

ki chāñd vaadī ke zarre zarre ko jalva-ḳhana banā rahā hai

na ruk sakūñgā maiñ aaj ghar meñ

ki chāñdnī kī kashish ġhazab hai

safīna-e-shauq-o-sher duniyā-e-nūr meñ Dagmagā rahā hai

sukūt-e-shab meñ fazā bhī juzv-e-sukūt-e-shab ho ga.ī hai 'fitrat'

mah-e-daraḳhshāñ faqat ġhazal merī zer-e-lab gungunā rahā hai

maiñ aaj ghar par na ruk sakūñgā

hasīn sarmā kā chāñd ishāroñ se dekh mujh ko bulā rahā hai

ghar ai dil-e-be-qarar zindan se kam nahin qaid kaun kaTe

hasin sarma ka chand diwana-war ko bula raha hai

fusun-e-mahtab ki qasam hai phir aaj shab kuchh na likh sakunga

phir aaj ghar mein na rah sakunga

ki ek junun sa hai mujh pe tari

manazir-e-koh-o-kunj jashn-e-shab-e-munawwar mana rahe hain

bula rahe hain mujhe mere waste qayamat uTha rahe hain

ghazab ki us barf-basta ThanDi hawa mein sailab chandni ka

badan to hai munjamid ragon mein lahu magar tamtama raha hai

bala ki hai sard raat lekin main aaj aawargi karunga

ki chand wadi ke zarre zarre ko jalwa-KHana bana raha hai

na ruk sakunga main aaj ghar mein

ki chandni ki kashish ghazab hai

safina-e-shauq-o-sher duniya-e-nur mein Dagmaga raha hai

sukut-e-shab mein faza bhi juzw-e-sukut-e-shab ho gai hai 'fitrat'

mah-e-daraKHshan faqat ghazal meri zer-e-lab gunguna raha hai

main aaj ghar par na ruk sakunga

hasin sarma ka chand ishaaron se dekh mujh ko bula raha hai