mohabbat aur fasle

sunā hai fāsle hoñ to mohabbat ruuTh jaatī hai

magar ye bhī to sach hai ki

mohabbat fāsloñ ko kab bhalā ḳhātir meñ laatī hai

mohabbat meñ takalluf aane jaane kā nahīñ hotā

mohabbat meñ koī bhī Dar zamāne kā nahīñ hotā

mohabbat aisā paudā hai ki jo ḳhāroñ meñ paltā hai

magar ḳhāroñ kā dil bhī is mohabbat se dahaltā hai

mohabbat āzmā.ish kī surangoñ se guzartī hai

agar ho āzmā.ish to mohabbat bhī nikhartī hai

magar kuchh fāsle aise bhī hote haiñ

ki jaise rail kī do paTriyāñ haiñ

ki juuñ do haath aur un kī uñgliyāñ haiñ

ki jaise chehre par haiñ do do āñkheñ

ki ye sab saath chalte haiñ

magar hai fāsla in meñ

alag bhī haiñ magar gahrā sā hai ik rābta in meñ

suno phir jo musībat ab ke hai darpesh ham ko

to phir ham āzmā.ish hī samajhte haiñ sitam ko

zarūrī haiñ agar ye fāsle to yuuñ sahī 'āqib'

zamāne kī ḳhushī hī meñ hai apnī bhī ḳhushī 'āqib'

agar yuuñ hai to phir in fāsloñ kī haisiyat kyā hai

mohabbat hai daraḳhshāñ to phir in kī ahmiyat kyā hai

suna hai fasle hon to mohabbat ruTh jati hai

magar ye bhi to sach hai ki

mohabbat faslon ko kab bhala KHatir mein lati hai

mohabbat mein takalluf aane jaane ka nahin hota

mohabbat mein koi bhi Dar zamane ka nahin hota

mohabbat aisa pauda hai ki jo KHaron mein palta hai

magar KHaron ka dil bhi is mohabbat se dahalta hai

mohabbat aazmaish ki surangon se guzarti hai

agar ho aazmaish to mohabbat bhi nikharti hai

magar kuchh fasle aise bhi hote hain

ki jaise rail ki do paTriyan hain

ki jun do hath aur un ki ungliyan hain

ki jaise chehre par hain do do aankhen

ki ye sab sath chalte hain

magar hai fasla in mein

alag bhi hain magar gahra sa hai ek rabta in mein

suno phir jo musibat ab ke hai darpesh hum ko

to phir hum aazmaish hi samajhte hain sitam ko

zaruri hain agar ye fasle to yun sahi 'aqib'

zamane ki KHushi hi mein hai apni bhi KHushi 'aqib'

agar yun hai to phir in faslon ki haisiyat kya hai

mohabbat hai daraKHshan to phir in ki ahmiyat kya hai