mohabbat

ham musībat ke maare mohabbat nahīñ kar sakte

mohabbat agar mahbūb kī bāñhoñ meñ bāñheñ Daale samundar ke kināre chalne kā naam hai

to hameñ vo kināra kabhī nahīñ milā

mohabbat agar mahbūb ke kāñdhoñ par ghaḌī-do-ghaḌī ke sukūn kā naam hai

to hameñ vo kāñdhe mayassar nahīñ

ham to apnī aag meñ mustaqil jalte haiñ

hameñ kyā ma.alūm

kisī ke lams kī hiddat meñ kyā lutf miltā hai

ham ne ḳhud gale lagāyā ḳhasāre ko

ham pe ināyat kaise ho saktī hai

ham nā-vāqif haiñ mohabbat ke lavāzimāt se

hameñ nahīñ aatī vo adā.eñ

jo kisī kī āñkhoñ se niiñd chhīn leñ

hameñ kyā sarokār rūThne manāne ke saare silsiloñ se

hum musibat ke mare mohabbat nahin kar sakte

mohabbat agar mahbub ki banhon mein banhen Dale samundar ke kinare chalne ka nam hai

to hamein wo kinara kabhi nahin mila

mohabbat agar mahbub ke kandhon par ghaDi-do-ghaDi ke sukun ka nam hai

to hamein wo kandhe mayassar nahin

hum to apni aag mein mustaqil jalte hain

hamein kya malum

kisi ke lams ki hiddat mein kya lutf milta hai

hum ne KHud gale lagaya KHasare ko

hum pe inayat kaise ho sakti hai

hum na-waqif hain mohabbat ke lawazimat se

hamein nahin aati wo adaen

jo kisi ki aankhon se nind chhin len

hamein kya sarokar ruThne manane ke sare silsilon se