mohabbat

mohabbat ḳhāliq-e-har-do-jahāñ hai

mohabbat dīn-e-fitrat kī zabāñ hai

mohabbat jazba-e-sidq-o-yaqīñ hai

mohabbat hī mohabbat kī amiiñ hai

mohabbat tālib-e-husn-o-javānī

mohabbat phuul kāñToñ kī kahānī

mohabbat shāhid-e-vahdāniyat hai

mohabbat jazba-e-insāniyat hai

mohabbat harf-e-shīrīñ kī amānat

mohabbat jazba-e-dil kī sadāqat

mohabbat jism bhī hai jaan bhī hai

mohabbat fitrat-e-insān bhī hai

kahā jis ko farishtoñ ne 'ibādat

mohabbat hai mohabbat hai mohabbat

mohabbat dushman-e-rahbāniyat hai

mohabbat kalma-e-insāniyat hai

mohabbat rahnumā-e-ādmī hai

mohabbat soz-o-sāz-e-zindagī hai

mohabbat 'ishq kā tūfān bhī hai

mohabbat husn kā īmān bhī hai

mohabbat falsafa hai dostī kā

mohabbat meñ sabaq hai zindagī kā

mohabbat fāteh-o-maftūh bhī hai

mohabbat hāmid-o-mamdūh bhī hai

mohabbat hai yaqīn-e-kāmrānī

mohabbat daar kī bhī hai kahānī

mohabbat dīn-o-duniyā kī talab hai

mohabbat fikr hai 'ilm-o-adab hai

mohabbat tarz bhī andāz bhī hai

mohabbat saaz bhī āvāz bhī hai

mohabbat jāñ-nisāroñ kī ḳhushī hai

mohabbat husn kī zinda-dilī hai

mohabbat kā nahīñ hai ek pahlū

mohabbat par na paayā dil ne qaabū

mohabbat naġhma-e-roz-e-azal hai

mohabbat qāzī-e-shahr-e-'amal hai

mohabbat dard hai dīvāngī hai

mohabbat farz hai mardāngī hai

mohabbat imtihān-e-zindagī hai

mohabbat devtā kī mūrtī hai

mohabbat rahmatoñ kī dāstāñ hai

mohabbat mard-e-momin kī azaañ hai

mohabbat raunaq-e-duniyā-o-dīñ hai

mohabbat chāñd sūraj kī zamīñ hai

mohabbat gul bhī hai aur gulsitāñ bhī

mohabbat ḳhārzāroñ kī zabāñ bhī

mohabbat dā'vat-e-ranj-o-alam bhī

mohabbat hai naved-e-fikr-o-ġham bhī

mohabbat valvaloñ kī intihā bhī

buḌhāpe meñ javānī kī sadā bhī

mohabbat hī ḳhushī kā rāsta hai

mohabbat hī meñ duniyā kā bhalā hai

mohabbat qissa-e-jām-o-subū hai

mohabbat zindagī kī justujū hai

mohabbat ādam-o-havvā ne kī hai

mohabbat ruuh kī pākīzgī hai

mohabbat chain hai sabr-o-sukūñ hai

mohabbat rāhat-e-ahl-e-junūñ hai

mohabbat se hai raunaq mahfiloñ kī

mohabbat kab ḳhatā hai thuḌ-diloñ kī

mohabbat har salīqe kā nishāñ hai

mohabbat har nafas kī dāstāñ hai

mohabbat mā'nī-e-husn-e-suḳhan hai

mohabbat allah vāloñ kā chalan hai

mohabbat sāhab-e-'ilm-ul-yaqīñ bhī

mohabbat ruuh bhī rūh-ul-amīñ bhī

mohabbat 'ishq hai zarb-e-ḳhudī hai

mohabbat zulfiqār-e-haidarī hai

mohabbat bhed khole aarzū ke

mohabbat zindagī ke ġham sameTe

mohabbat nafsiyātī uljhanoñ se

varaq ulTe sadāqat ke junūñ ke

mohabbat hai 'ilāj-e-zabt-e-insāñ

mohabbat imtihān-e-zabt-e-insāñ

mohabbat kī alag sab se hai bolī

mohabbat kī girah fitrat ne kholī

mohabbat sāhib-e-fikr-o-nazar hai

mohabbat meñ raqābat kā bhī Dar hai

mohabbat do-jahāñ meñ surḳh-rū bhī

mohabbat gul mohabbat rang-o-bū bhī

mohabbat māhtāboñ se banī hai

mohabbat inqilāboñ se banī hai

mohabbat kā nasha hai sab se behtar

mohabbat pāra-e-tasnīm-o-kausar

mohabbat sho'la hai sho’la-numā hai

mohabbat hī haqīqat meñ ḳhudā hai

mohabbat KHaliq-e-har-do-jahan hai

mohabbat din-e-fitrat ki zaban hai

mohabbat jazba-e-sidq-o-yaqin hai

mohabbat hi mohabbat ki amin hai

mohabbat talib-e-husn-o-jawani

mohabbat phul kanTon ki kahani

mohabbat shahid-e-wahdaniyat hai

mohabbat jazba-e-insaniyat hai

mohabbat harf-e-shirin ki amanat

mohabbat jazba-e-dil ki sadaqat

mohabbat jism bhi hai jaan bhi hai

mohabbat fitrat-e-insan bhi hai

kaha jis ko farishton ne 'ibaadat

mohabbat hai mohabbat hai mohabbat

mohabbat dushman-e-rahbaniyat hai

mohabbat kalma-e-insaniyat hai

mohabbat rahnuma-e-admi hai

mohabbat soz-o-saz-e-zindagi hai

mohabbat 'ishq ka tufan bhi hai

mohabbat husn ka iman bhi hai

mohabbat falsafa hai dosti ka

mohabbat mein sabaq hai zindagi ka

mohabbat fateh-o-maftuh bhi hai

mohabbat hamid-o-mamduh bhi hai

mohabbat hai yaqin-e-kaamrani

mohabbat dar ki bhi hai kahani

mohabbat din-o-duniya ki talab hai

mohabbat fikr hai 'ilm-o-adab hai

mohabbat tarz bhi andaz bhi hai

mohabbat saz bhi aawaz bhi hai

mohabbat jaan-nisaron ki KHushi hai

mohabbat husn ki zinda-dili hai

mohabbat ka nahin hai ek pahlu

mohabbat par na paya dil ne qabu

mohabbat naghma-e-roz-e-azal hai

mohabbat qazi-e-shahr-e-'amal hai

mohabbat dard hai diwangi hai

mohabbat farz hai mardangi hai

mohabbat imtihan-e-zindagi hai

mohabbat dewta ki murti hai

mohabbat rahmaton ki dastan hai

mohabbat mard-e-momin ki azan hai

mohabbat raunaq-e-duniya-o-din hai

mohabbat chand suraj ki zamin hai

mohabbat gul bhi hai aur gulsitan bhi

mohabbat KHarzaron ki zaban bhi

mohabbat da'wat-e-ranj-o-alam bhi

mohabbat hai nawed-e-fikr-o-gham bhi

mohabbat walwalon ki intiha bhi

buDhape mein jawani ki sada bhi

mohabbat hi KHushi ka rasta hai

mohabbat hi mein duniya ka bhala hai

mohabbat qissa-e-jam-o-subu hai

mohabbat zindagi ki justuju hai

mohabbat aadam-o-hawwa ne ki hai

mohabbat ruh ki pakizgi hai

mohabbat chain hai sabr-o-sukun hai

mohabbat rahat-e-ahl-e-junun hai

mohabbat se hai raunaq mahfilon ki

mohabbat kab KHata hai thuD-dilon ki

mohabbat har saliqe ka nishan hai

mohabbat har nafas ki dastan hai

mohabbat ma'ni-e-husn-e-suKHan hai

mohabbat allah walon ka chalan hai

mohabbat sahab-e-'ilm-ul-yaqin bhi

mohabbat ruh bhi ruh-ul-amin bhi

mohabbat 'ishq hai zarb-e-KHudi hai

mohabbat zulfiqar-e-haidari hai

mohabbat bhed khole aarzu ke

mohabbat zindagi ke gham sameTe

mohabbat nafsiyati uljhanon se

waraq ulTe sadaqat ke junun ke

mohabbat hai 'ilaj-e-zabt-e-insan

mohabbat imtihan-e-zabt-e-insan

mohabbat ki alag sab se hai boli

mohabbat ki girah fitrat ne kholi

mohabbat sahib-e-fikr-o-nazar hai

mohabbat mein raqabat ka bhi Dar hai

mohabbat do-jahan mein surKH-ru bhi

mohabbat gul mohabbat rang-o-bu bhi

mohabbat mahtabon se bani hai

mohabbat inqilabon se bani hai

mohabbat ka nasha hai sab se behtar

mohabbat para-e-tasnim-o-kausar

mohabbat sho'la hai sho’la-numa hai

mohabbat hi haqiqat mein KHuda hai