mohabbat

mohabbat ḳhudā kī haqīqat kā nuur

mohabbat kisī kā payām-e-zuhūr

mohabbat ke paiġhāmbar ambiyā

mohabbat ke zer-e-asar auliyā

mohabbat nuqūsh-e-bayāz-e-vajūd

tar-o-tāza is se riyāz-e-shuhūd

mohabbat nahīñ to nahīñ zindagī

mohabbat se hai dil-nashīñ zindagī

mohabbat se har zarra paivasta hai

tarab zā mohabbat kā guldasta hai

nashāt-e-mohabbat rafīq-e-hayāt

kiye us ne hal zindagī ke nikāt

mohabbat se har ik haqīqat ayaañ

mohabbat se maañ kī fazīlat ayaañ

mohabbat se shān-e-pidar sar-buland

mohabbat se vasf-e-pisar arjumand

mohabbat se mazbūt ajzā-e-qaum

mohabbat se marbūt ārā-e-qaum

mohabbat se qaa.em nizām-e-hayāt

taġhayyur meñ bhī un kā nūr-e-sabāt

mohabbat nahīñ hai to kuchh bhī nahīñ

mohabbat hī hai asal duniyā-o-dīñ

mohabbat KHuda ki haqiqat ka nur

mohabbat kisi ka payam-e-zuhur

mohabbat ke paighambar ambiya

mohabbat ke zer-e-asar auliya

mohabbat nuqush-e-bayaz-e-wajud

tar-o-taza is se riyaz-e-shuhud

mohabbat nahin to nahin zindagi

mohabbat se hai dil-nashin zindagi

mohabbat se har zarra paiwasta hai

tarab za mohabbat ka guldasta hai

nashat-e-mohabbat rafiq-e-hayat

kiye us ne hal zindagi ke nikat

mohabbat se har ek haqiqat ayan

mohabbat se man ki fazilat ayan

mohabbat se shan-e-pidar sar-buland

mohabbat se wasf-e-pisar arjumand

mohabbat se mazbut ajza-e-qaum

mohabbat se marbut aara-e-qaum

mohabbat se qaem nizam-e-hayat

taghayyur mein bhi un ka nur-e-sabaat

mohabbat nahin hai to kuchh bhi nahin

mohabbat hi hai asal duniya-o-din