mohabbat

tum apne kamre meñ gahrī tanhā.iyoñ meñ gum the

ghaḌī kī Tik-Tik jo suī ko Tekte guzartī

tumheñ ye mahsūs hone lagtā

ki jaise sar par ka.ī hathauḌe baras rahe haiñ

tumhārī kursī kī charcharāhaT

tumhārī tanhā.iyoñ pe lagtā ki bain kartī koī rudālī

idhar maiñ apne jahān-e-rañgīñ meñ jī rahī thī

ki mere atrāf zindagī thī

bahār-e-tāza bhī dilkashī thī

hasīñ mulā.em sī raushnī thī

phir ek din ittifāq se mil ga.e the ham tum

mohabbatoñ ke asiir ho kar chale the ham tum

magar safar meñ na jaane kaise kahāñ pe āḳhir

ye moḌ aayā

nasīb ne phir ye din dikhāyā

haqīqatoñ ko zavāl aayā

tum aaj apne jahān-e-rañgīñ meñ jī rahe ho

maiñ apne kamre meñ gahrī tanhā.iyoñ meñ gum thā

tum apne kamre mein gahri tanhaiyon mein gum the

ghaDi ki Tik-Tik jo sui ko Tekte guzarti

tumhein ye mahsus hone lagta

ki jaise sar par kai hathauDe baras rahe hain

tumhaari kursi ki charcharahaT

tumhaari tanhaiyon pe lagta ki bain karti koi rudali

idhar main apne jahan-e-rangin mein ji rahi thi

ki mere atraf zindagi thi

bahaar-e-taza bhi dilkashi thi

hasin mulaem si raushni thi

phir ek din ittifaq se mil gae the hum tum

mohabbaton ke asir ho kar chale the hum tum

magar safar mein na jaane kaise kahan pe aaKHir

ye moD aaya

nasib ne phir ye din dikhaya

haqiqaton ko zawal aaya

tum aaj apne jahan-e-rangin mein ji rahe ho

main apne kamre mein gahri tanhaiyon mein gum tha