apni marhuma man ke liye chand lafz

mirī ammī

mujhe schōl jaane ke liye tayyār kartī thī

mire juute

mirā basta

mirī vardī

sabhī kuchh us kī almārī meñ rakkhā thā

mire baste meñ rakkhā lunch

biscuit

toffiyāñ

aur toast

jab yūñhī binā khaa.e kabhī ghar lauTtā to ek ġhusse se bharī āvāz aur phir chand lamhoñ ke liye

vo ruuTh jaatī thī

magar jab vo mirī āñkhoñ meñ aañsū dekhtī to maan jaatī thī

maiñ Dartā thā

kabhī bāzār meñ jaatā to unglī thaam rakhtā thā

mujhe lagtā agar mujh se ye unglī chhūT jā.egī

to maiñ kho jā.uñgā

khone kā Dar chālīs sāloñ tak mire dil meñ rahā

aur maiñ ne ik lamha bhī vo unglī nahīñ chhoḌī

magar ik roz jab us ne mire mazbūt hāthoñ

meñ

ye duniyā chhoḌ dī

merī bhī uñglī kaT ga.ī

ye zindagī jo ek dil meñ mujtam.a thī saiñkaḌoñ TukḌoñ ke andar baT ga.ī

meri ammi

mujhe school jaane ke liye tayyar karti thi

mere jute

mera basta

meri wardi

sabhi kuchh us ki almari mein rakkha tha

mere baste mein rakkha lunch

biscuit

toffiyan

aur toast

jab yunhi bina khae kabhi ghar lauTta to ek ghusse se bhari aawaz aur phir chand lamhon ke liye

wo ruTh jati thi

magar jab wo meri aankhon mein aansu dekhti to man jati thi

main Darta tha

kabhi bazar mein jata to ungli tham rakhta tha

mujhe lagta agar mujh se ye ungli chhuT jaegi

to main kho jaunga

khone ka Dar chaalis salon tak mere dil mein raha

aur main ne ek lamha bhi wo ungli nahin chhoDi

magar ek roz jab us ne mere mazbut hathon

mein

ye duniya chhoD di

meri bhi ungli kaT gai

ye zindagi jo ek dil mein mujtama thi sainkaDon TukDon ke andar baT gai