mubarakbaad

zamāne! tahniyat tujh ko

ki phir maidān maarā hai

magar ab ke jo haarā hai

baḌā hī saḳht-jāñ niklā

muqābil tere aane ko bahut tayār phirtā thā

liye hathiyār phirtā thā

vafā ke, zarf ke

āñkhoñ meñ raushan ḳhush-gumānī ke

laboñ par kheltī ḳhvāhish,

suḳhan meñ nāchtī ik hausla-mandī

ragoñ meñ dauḌtā sayyāl irāda thā

badan par ḳhvāb kī pahne zira-baktar

jabīñ par be-niyāzī ḳhuud kī sūrat Tikā.ī thī

girā ke farsh par is ko

baḌā arsa lagā tujh ko

ki is kāshāna-e-ummīd bhī lams-e-zamīñ chakkhe

phir is ke ba.ad

kitnī der tak us kā

adam taslīm-e-paspā.ī meñ chillāte hue rahnā...

zamāne tahniyat tujh ko

ki ab kī martaba jis ko pachhāḌā hai

baḌā hī saḳht-jāñ thā vo!!

zamane! tahniyat tujh ko

ki phir maidan mara hai

magar ab ke jo haara hai

baDa hi saKHt-jaan nikla

muqabil tere aane ko bahut tayar phirta tha

liye hathiyar phirta tha

wafa ke, zarf ke

aankhon mein raushan KHush-gumani ke

labon par khelti KHwahish,

suKHan mein nachti ek hausla-mandi

ragon mein dauDta sayyal irada tha

badan par KHwab ki pahne zira-baktar

jabin par be-niyazi KHud ki surat Tikai thi

gira ke farsh par is ko

baDa arsa laga tujh ko

ki is kashana-e-ummid bhi lams-e-zamin chakkhe

phir is ke baad

kitni der tak us ka

adam taslim-e-paspai mein chillate hue rahna

zamane tahniyat tujh ko

ki ab ki martaba jis ko pachhaDa hai

baDa hi saKHt-jaan tha wo!!