muhafiz

jo terī nīñdoñ ko jāgtā thā

jo terī khāñsī ko khāñstā thā

jo terī bārish ko bhīgtā thā

jo terī sardī ko hāñptā thā

jo apne hisse ke saare luqme

tujhe khilā ke Dakārtā thā

jo apne hāthoñ ke saḳht chhāle

chhupā ke tujh ko dulārtā thā

jo apne kapḌoñ meñ tere kapḌe ke

naap rakh rakh ke nāptā thā

jo tere zindāñ kī qaid tujh ko

rihā.ī de kar ke kāTtā thā

jo tere aañsū ko apnī āñkhoñ se

sochtā thā aur pochhtā thā

tujhe chalāne ke vāste jo

har ek mausam meñ dauḌtā thā

vahī ye būḌhā

vahī ye lāġhar

vahī apāhij

vahī ye pāgal

vahī ye vahshī

vahī ye bhūkā

vahī ye nañgā

vahī nikammā

hai baap terā

jo teri nindon ko jagta tha

jo teri khansi ko khansta tha

jo teri barish ko bhigta tha

jo teri sardi ko hanpta tha

jo apne hisse ke sare luqme

tujhe khila ke Dakarta tha

jo apne hathon ke saKHt chhaale

chhupa ke tujh ko dularta tha

jo apne kapDon mein tere kapDe ke

nap rakh rakh ke napta tha

jo tere zindan ki qaid tujh ko

rihai de kar ke kaTta tha

jo tere aansu ko apni aankhon se

sochta tha aur pochhta tha

tujhe chalane ke waste jo

har ek mausam mein dauDta tha

wahi ye buDha

wahi ye laghar

wahi apahij

wahi ye pagal

wahi ye wahshi

wahi ye bhuka

wahi ye nanga

wahi nikamma

hai bap tera