mujhse milo tum

mujh se milo tum

bātoñ kī chaa.e par

kahānī ke pech meñ

bachpan kī shor kartī rail meñ

maazī ke nukkaḌ par

aflātūnī ishq kī mauj meñ

fursat ke be-barakat din

yaar kī judā.ī vaale pahar meñ

javānī kī dhuup meñ

ġhālib ke dīvān kī

pur-bahār sīḌhiyoñ par

lafzoñ ke bāzār meñ

nazmoñ ke asrār meñ

mujh se milo tum

mujh se milo tum

ajnabī mulkoñ kī sair-o-siyāhat meñ

pyaar ke rasm-o-rivāj meñ

halqa-e-yārāñ meñ

tūfān-e-bād-o-bārāñ meñ

senToras ke aqab meñ

chhappar hotel ke TuuTe hue Table par

chāñd pe baiThī huī buḌhiyā ke nūrānī charḳhe meñ

assī kī dahā.ī kī filmoñ ke zikr meñ

purānī kitāboñ kī dūkān par

nisvānī ḳhushbuoñ ke chauk par

bosoñ kī takrār meñ

mujh se milo tum

mujh se milo tum

baaton ki chae par

kahani ke pech mein

bachpan ki shor karti rail mein

mazi ke nukkaD par

aflatuni ishq ki mauj mein

fursat ke be-barakat din

yar ki judai wale pahar mein

jawani ki dhup mein

ghaalib ke diwan ki

pur-bahaar siDhiyon par

lafzon ke bazar mein

nazmon ke asrar mein

mujh se milo tum

mujh se milo tum

ajnabi mulkon ki sair-o-siyahat mein

pyar ke rasm-o-riwaj mein

halqa-e-yaran mein

tufan-e-baad-o-baran mein

senToras ke aqab mein

chhappar hotel ke TuTe hue Table par

chand pe baiThi hui buDhiya ke nurani charKHe mein

assi ki dahai ki filmon ke zikr mein

purani kitabon ki dukan par

niswani KHushbuon ke chauk par

boson ki takrar mein

mujh se milo tum