mujhe ek din chahiye

mujhe ek din chāhiye

chāhe chhuTTī kā din ho

yā apne irādoñ ke pul se guzarne kā

yā seb khāne kā din ho

mujhe ek din chāhiye

chāhe sāhil pe jā kar nahāne kā din ho

yā apnī pasandīda mausīqī sunñe kā din ho

daraḳhtoñ meñ chhup kar kisī se lipaTne kā din ho

yā phir koī din

merī tāqat meñ Duubā huā

mere ġhusse kī had se nikaltā huā

aisā din

jo khule āsmāñ kī tarah apnī bāñhoñ ko khole

mujhe ek din chāhiye

taaki maiñ apne pyāroñ ke dil meñ

Tapakte hue āñsuoñ ko

ḳhushī ke samundar meñ tabdīl kar duuñ

mujhe ek din chāhiye

mujhe ek din chahiye

chahe chhuTTi ka din ho

ya apne iradon ke pul se guzarne ka

ya seb khane ka din ho

mujhe ek din chahiye

chahe sahil pe ja kar nahane ka din ho

ya apni pasandida mausiqi sunne ka din ho

daraKHton mein chhup kar kisi se lipaTne ka din ho

ya phir koi din

meri taqat mein Duba hua

mere ghusse ki had se nikalta hua

aisa din

jo khule aasman ki tarah apni banhon ko khole

mujhe ek din chahiye

taki main apne pyaron ke dil mein

Tapakte hue aansuon ko

KHushi ke samundar mein tabdil kar dun

mujhe ek din chahiye