mujhe khol taza hawa mein rakh

ye jo fasl-e-furqat-e-asr hai

ise kaaT bhī

ye jo daftar-e-ġham-e-zīst hai

ise band kar

ise band kar ki vo but-farosh nahīñ rahe

jo asiir the ruḳh-e-dahr ke

tire rū-ba-rū tire chaar sū

shab hast-o-būd kī raah meñ tire ham-qadam

tire ā.inoñ kī shikastagī kā bharam liye

koī aur kab hai mire sivā

koī aur kab thā mire baġhair

magar ai rahīn-e-dam-e-alast

mire vāqiye ke muqaddamāt se peshtar

merī bandagī ko faroġh de

kabhī dopahar ke ḳhumār meñ

kisī aks-e-mauj-e-balā meñ rakh

mire ḳhāk-o-ḳhūñ ko nihāl kar

mujhe khol taaza havā meñ rakh

ye jo fasl-e-furqat-e-asr hai

ise kaT bhi

ye jo daftar-e-gham-e-zist hai

ise band kar

ise band kar ki wo but-farosh nahin rahe

jo asir the ruKH-e-dahr ke

tere ru-ba-ru tere chaar su

shab hast-o-bud ki rah mein tere ham-qadam

tere aainon ki shikastagi ka bharam liye

koi aur kab hai mere siwa

koi aur kab tha mere baghair

magar ai rahin-e-dam-e-alast

mere waqiye ke muqaddamat se peshtar

meri bandagi ko farogh de

kabhi dopahar ke KHumar mein

kisi aks-e-mauj-e-bala mein rakh

mere KHak-o-KHun ko nihaal kar

mujhe khol taza hawa mein rakh