mujhe tum se mohabbat hai

ḳhudā kahtā hai bandoñ se

mujhe tum se mohabbat hai

tumhārī shah-e-rag se bhī

maiñ ziyāda paas rahtā huuñ

tumheñ maiñ kaise samjhā.ūñ

mujhe tum se mohabbat hai

maiñ duuñ tum ko misāl aisī

jise tum sun ke barjasta

kaho āmannā saddaqnā

suno

hai kaun sī hastī

jo tum ko jaañ se pyārī hai

ki jis kī ziist kā pal pal

tumheñ pe vaarī vaarī hai

duā karte hue shab shab

sadā jis ne guzārī hai

ye sach hai vo to maañ hī hai

bas itnā jaan lo logo

ki us maañ se kahīñ ziyāda

mujhe tum se mohabbat hai

KHuda kahta hai bandon se

mujhe tum se mohabbat hai

tumhaari shah-e-rag se bhi

main ziyaada pas rahta hun

tumhein main kaise samjhaun

mujhe tum se mohabbat hai

main dun tum ko misal aisi

jise tum sun ke barjasta

kaho aamanna saddaqna

suno

hai kaun si hasti

jo tum ko jaan se pyari hai

ki jis ki zist ka pal pal

tumhein pe wari wari hai

dua karte hue shab shab

sada jis ne guzari hai

ye sach hai wo to man hi hai

bas itna jaan lo logo

ki us man se kahin ziyaada

mujhe tum se mohabbat hai