mukafat

aao ki mai-kadoñ meñ guzāreñ tamām raat

tanhā.iyoñ meñ sohbat-e-jām-o-subū rahe

ḳhāmoshiyoñ meñ kaifiyat-e-guftugū rahe

yādoñ ke pech-o-ḳham ko sañvāreñ tamām raat

zahr-e-hayāt dil meñ utāreñ tamām raat

ye dar jo band ho to kahīñ aur uTh chaleñ

zulmat baḌhe to ātish-e-ġham tez-tar kareñ

parvāna-vār jal ke baneñ ḳhāk-e-rah-nashīñ

amboh-e-gard-bād meñ raqs sharar kareñ

uftādgī meñ ārzū-e-bāl-o-par kareñ

le jaa.eñ kis ke paas ye dāġh-e-ḳhud-āgahī

ai soz-e-hijr koī tirā rāz-dāñ nahīñ

ye shahr-e-nā-shanās ye vīrānī-e-hujūm

is qāfile meñ ahl-e-nazar kā nishāñ nahīñ

sab ajnabī haiñ koī yahāñ ham-zabāñ nahīñ

baiTheñ shafaq ke saa.e meñ ḳhūn-e-jigar piyeñ

aao ki rasm-e-ahl-e-ḳharābāt hai yahī

har ishq-e-saḳht-jāñ kī mukāfāt hai yahī

aao ki mai-kadon mein guzaren tamam raat

tanhaiyon mein sohbat-e-jam-o-subu rahe

KHamoshiyon mein kaifiyat-e-guftugu rahe

yaadon ke pech-o-KHam ko sanwaren tamam raat

zahr-e-hayat dil mein utaren tamam raat

ye dar jo band ho to kahin aur uTh chalen

zulmat baDhe to aatish-e-gham tez-tar karen

parwana-war jal ke banen KHak-e-rah-nashin

amboh-e-gard-baad mein raqs sharar karen

uftadgi mein aarzu-e-baal-o-par karen

le jaen kis ke pas ye dagh-e-KHud-agahi

ai soz-e-hijr koi tera raaz-dan nahin

ye shahr-e-na-shanas ye virani-e-hujum

is qafile mein ahl-e-nazar ka nishan nahin

sab ajnabi hain koi yahan ham-zaban nahin

baiThen shafaq ke sae mein KHun-e-jigar piyen

aao ki rasm-e-ahl-e-KHarabaat hai yahi

har ishq-e-saKHt-jaan ki mukafat hai yahi