mukalima

ādāb ādāb

taslīmat taslīmat

mizāj-e-aqdas

fazl-e-rabbī hai

namāzeñ paḌhte haiñ

farāġhatoñ se Darte haiñ

allāh ḳhair-o-barkat de

sunā hai aap ne na.ī gaaḌī

ḳharīd lī

jī haañ mercedes hai

allāh ke fazl se

green card holder bhī haiñ

magar aap kā vo communism

aap to ḳhāse radical the

shukr bāri-e-ta.ālā kā

jis ne añdheroñ meñ

raushnī dikhā.ī

allāh baḌā bādshāh hai

los angeles ke posh qabristān meñ

jagah book karā dī hai

aap kā kyā irāda hai

fitna-o-fasād se

najāt milī hai na milegī

kyā aap ko visa bhijvā.eñ

peshkash kā shukriya

magar apne desī qabristān jaisī

taaza havā.eñ america meñ kahāñ

aur phir apne yahāñ bōking kī

bhī zarūrat nahīñ

maiñ to kahtā huuñ qibla

aap bhī yahīñ ruk jaa.eñ

umr kī āḳhirī kagār par khaḌe haiñ

maiñ nahīñ samajhtā ki bulāvā aane meñ

koī der hogī

qīl-o-qāl se kaam na leñ

ek dūsre kā haath thaam leñ

qabristān kī harī-bharī fazāoñ meñ

ḳhuub guzregī

jo mil baiTheñge

dīvāne do

aadab aadab

taslimat taslimat

mizaj-e-aqdas

fazl-e-rabbi hai

namazen paDhte hain

faraghaton se Darte hain

allah KHair-o-barkat de

suna hai aap ne nai gaDi

KHarid li

ji han mercedes hai

allah ke fazl se

green card holder bhi hain

magar aap ka wo communism

aap to KHase radical the

shukr bari-e-taala ka

jis ne andheron mein

raushni dikhai

allah baDa baadshah hai

los angeles ke posh qabristan mein

jagah book kara di hai

aap ka kya irada hai

fitna-o-fasad se

najat mili hai na milegi

kya aap ko wisa bhijwaen

peshkash ka shukriya

magar apne desi qabristan jaisi

taza hawaen america mein kahan

aur phir apne yahan booking ki

bhi zarurat nahin

main to kahta hun qibla

aap bhi yahin ruk jaen

umr ki aaKHiri kagar par khaDe hain

main nahin samajhta ki bulawa aane mein

koi der hogi

qil-o-qal se kaam na len

ek dusre ka hath tham len

qabristan ki hari-bhari fazaon mein

KHub guzregi

jo mil baiThenge

diwane do