mulaqat meri

1

saarī dīvār siyah ho ga.ī tā-halqa-e-dām

rāste bujh ga.e ruḳhsat hue rahgīr tamām

apnī tanhā.ī se goyā huī phir raat mirī

ho na ho aaj phir aa.ī hai mulāqāt mirī

ik hathelī pe hinā ek hathelī pe lahū

ik nazar zahr liye ek nazar meñ daarū

der se manzil-e-dil meñ koī aayā na gayā

furqat-e-dard meñ be-āb huā taḳhta-e-dāġh

kis se kahiye ki bhare rañg se zaḳhmoñ ke ayāġh

aur phir ḳhud hī chalī aa.ī mulāqāt mirī

āshnā maut jo dushman bhī hai ġham-ḳhvār bhī hai

vo jo ham logoñ kī qātil bhī hai dildār bhī hai

1

sari diwar siyah ho gai ta-halqa-e-dam

raste bujh gae ruKHsat hue rahgir tamam

apni tanhai se goya hui phir raat meri

ho na ho aaj phir aai hai mulaqat meri

ek hatheli pe hina ek hatheli pe lahu

ek nazar zahr liye ek nazar mein daru

der se manzil-e-dil mein koi aaya na gaya

furqat-e-dard mein be-ab hua taKHta-e-dagh

kis se kahiye ki bhare rang se zaKHmon ke ayagh

aur phir KHud hi chali aai mulaqat meri

aashna maut jo dushman bhi hai gham-KHwar bhi hai

wo jo hum logon ki qatil bhi hai dildar bhi hai