mutazad zawiye

aur bisāt-e-ḳhayāl be-pāyāñ

aur muayyan hudūd-e-sharh-o-bayyañ

tez-raftār gardish-e-hālāt

aur āhistagī-e-umr ravāñ

ajnabiyyat kā mustaqil ik bojh

aur shanāsā.iyoñ kā bār-e-girāñ

aql kī ḳhāmī nārasī dil kī

aur tasavvur-shikan haqīqat-e-jāñ

muḳhtalif har vajūd pesh-e-nazar

aur imkān-e-vahdat-e-imkāñ

fikr uqdā-kushā.iyoñ pe musir

aur sar-rishte hī kā ḳhud fuqdānñ

intihā silsiloñ kī nā-mālūm

aur har lamha silsila-e-jumbāñ

mutavātir marāhil-e-tālīm

aur musalsal madārij-e-nisyāñ

shoba-hā-e-ḳhayāl be-tam.īz

aur bahr-e-shanāḳht mohr-o-nishāñ

chaar jānib sarāhtoñ kā hujūm

aur bahr-e-rumūz be-pāyāñ

sail-e-bairūñ ravāñ ba-tarz-e-digar

aur jū-e-andarūñ alag sī ravāñ

ek khoī huī fazā.e-hayāt

aur ehsās-o-fikr sab ġhaltāñ

aur sāñsoñ kī rahguzar pe hujūm

aur āñkhoñ kī rahguzar vīrāñ

aur bisat-e-KHayal be-payan

aur muayyan hudud-e-sharh-o-bayyan

tez-raftar gardish-e-haalat

aur aahistagi-e-umr rawan

ajnabiyyat ka mustaqil ek bojh

aur shanasaiyon ka bar-e-giran

aql ki KHami narasi dil ki

aur tasawwur-shikan haqiqat-e-jaan

muKHtalif har wajud pesh-e-nazar

aur imkan-e-wahdat-e-imkan

fikr uqda-kushaiyon pe musir

aur sar-rishte hi ka KHud fuqdann

intiha silsilon ki na-malum

aur har lamha silsila-e-jumban

mutawatir marahil-e-talim

aur musalsal madarij-e-nisyan

shoba-ha-e-KHayal be-tamiz

aur bahr-e-shanaKHt mohr-o-nishan

chaar jaanib sarahton ka hujum

aur bahr-e-rumuz be-payan

sail-e-bairun rawan ba-tarz-e-digar

aur ju-e-andarun alag si rawan

ek khoi hui fazae-hayat

aur ehsas-o-fikr sab ghaltan

aur sanson ki rahguzar pe hujum

aur aankhon ki rahguzar viran