na-dida rifaqat mein

kuchh bhī to nahīñ vaisā

jaisā tujhe sochā thā

jitnā tujhe chāhā thā

sochā thā tire lab par

kuchh harf duāoñ ke

kuchh phuul vafāoñ ke

mahkeñge mirī ḳhātir

kuchh bhī to nahīñ vaisā

jaisā tujhe sochā thā

mahsūs ye hotā hai

dukh jhele the jo ab tak

be-nām masāfat meñ

likhne kī mohabbat meñ

paḌhne kī zarūrat meñ

be-sūd riyāzat thī

be-faiz ibādat thī

jo ḳhvāb bhī dekhe the

in jāgtī āñkhoñ ne

sab ḳhām-ḳhayālī thī

phir bhī tujhe paane kī

dil ke kisī goshe meñ

ḳhvāhish to bachā lī thī

lekin tujhe pā kar bhī

aur ḳhud ko gañvā kar bhī

is habs ke mausam kī khiḌkī se havā aa.ī

na phuul se ḳhushbū kī koī bhī sadā aa.ī

ab niiñd hai āñkhoñ meñ

naañ dil meñ vo pahlī sī taaza suḳhan-ārā.ī

naañ lafz mire nikle

naañ harf-o-muāfī kī dānish mire kaam aa.ī

nādīda rifāqat meñ

jitnī bhī aziyyat thī

sab mere hī naam aa.ī

kuchh bhī to nahīñ vaisā

jaisā tujhe sochā thā

jitnā tujhe chāhā thā

kuchh bhi to nahin waisa

jaisa tujhe socha tha

jitna tujhe chaha tha

socha tha tere lab par

kuchh harf duaon ke

kuchh phul wafaon ke

mahkenge meri KHatir

kuchh bhi to nahin waisa

jaisa tujhe socha tha

mahsus ye hota hai

dukh jhele the jo ab tak

be-nam masafat mein

likhne ki mohabbat mein

paDhne ki zarurat mein

be-sud riyazat thi

be-faiz ibaadat thi

jo KHwab bhi dekhe the

in jagti aankhon ne

sab KHam-KHayali thi

phir bhi tujhe pane ki

dil ke kisi goshe mein

KHwahish to bacha li thi

lekin tujhe pa kar bhi

aur KHud ko ganwa kar bhi

is habs ke mausam ki khiDki se hawa aai

na phul se KHushbu ki koi bhi sada aai

ab nind hai aankhon mein

nan dil mein wo pahli si taza suKHan-arai

nan lafz mere nikle

nan harf-o-muafi ki danish mere kaam aai

nadida rifaqat mein

jitni bhi aziyyat thi

sab mere hi nam aai

kuchh bhi to nahin waisa

jaisa tujhe socha tha

jitna tujhe chaha tha