na-malum safar

ghar se niklā hai har ik shaḳhs kuchh ummīd liye

dil meñ armān bhī haiñ rāste pur-ḳhār bhī haiñ

kahīñ Thokar kahīñ patthar kahīñ dīvāreñ bhī

nahīñ mālūm hai manzil kā pata duniyā meñ

par safar ziist kā har haal meñ tai karnā hai

koī is jidd-o-jahd meñ hai ki daulat mil jaa.e

koī kahtā hai mujhe merī mohabbat mil jaa.e

koī chāhtā hai use saarī shujā.at mil jaa.e

koī kahtā hai savālāt se rāhat mil jaa.e

ya.anī har haal meñ har shaḳhs ko kuchh chāhiye hai

aur is dauḌ meñ sāñsoñ kā bharosa bhī nahīñ

aage ik moḌ hai us moḌ pe do raste haiñ

kaun se rāste jaanā hai kise chhoḌnā hai

hādse kitne hoñ daurān-e-safar kyā mālūm

is safar meñ koī manzil bhī mile nā-ma.alūm

ghar se nikla hai har ek shaKHs kuchh ummid liye

dil mein arman bhi hain raste pur-KHar bhi hain

kahin Thokar kahin patthar kahin diwaren bhi

nahin malum hai manzil ka pata duniya mein

par safar zist ka har haal mein tai karna hai

koi is jidd-o-jahd mein hai ki daulat mil jae

koi kahta hai mujhe meri mohabbat mil jae

koi chahta hai use sari shujaat mil jae

koi kahta hai sawalat se rahat mil jae

yani har haal mein har shaKHs ko kuchh chahiye hai

aur is dauD mein sanson ka bharosa bhi nahin

aage ek moD hai us moD pe do raste hain

kaun se raste jaana hai kise chhoDna hai

hadse kitne hon dauran-e-safar kya malum

is safar mein koi manzil bhi mile na-malum