nadan

kitnā nādān huuñ abhī tak maiñ

jāntā huuñ ke ek din tum ko

duur honā hai merī duniyā se

chāhe jaatā huuñ tum ko maiñ phir bhī

aur yādoñ ko apne siine meñ

yuuñ chhupā.e hue huuñ duniyā se

jaise motī ko siipī rakhtī hai

kaash tum jāntīñ tumhāre liye

kitne armān haiñ mere dil meñ

ek armān tum ko paane kā

ek sadma tumheñ gañvāne kā

ek ḳhvāhish ki tum bano merī

ek ḳhvāhish ki tum qarīb raho

ek hasrat ki lab tumhāre kabhī

naam merā bhī leñ mohabbat se

ek ḳhadsha ki tum ko khone par

dil mirā bhī kahīñ na kho jaa.e

apnī barbādiyoñ kā ḳhauf nahīñ

ḳhauf itnā hai ki kahīñ tujh ko

paa.e jaane kī merī ye koshish

kar na jaa.e kahīñ tujhe rusvā

kitnā nādān huuñ ki maiñ phir bhī

chāhe jaatā huuñ chāhe jaatā huuñ

kitna nadan hun abhi tak main

jaanta hun ke ek din tum ko

dur hona hai meri duniya se

chahe jata hun tum ko main phir bhi

aur yaadon ko apne sine mein

yun chhupae hue hun duniya se

jaise moti ko sipi rakhti hai

kash tum jaantin tumhaare liye

kitne arman hain mere dil mein

ek arman tum ko pane ka

ek sadma tumhein ganwane ka

ek KHwahish ki tum bano meri

ek KHwahish ki tum qarib raho

ek hasrat ki lab tumhaare kabhi

nam mera bhi len mohabbat se

ek KHadsha ki tum ko khone par

dil mera bhi kahin na kho jae

apni barbaadiyon ka KHauf nahin

KHauf itna hai ki kahin tujh ko

pae jaane ki meri ye koshish

kar na jae kahin tujhe ruswa

kitna nadan hun ki main phir bhi

chahe jata hun chahe jata hun