nakaam muzakaraat

log rubber-band kī tarah

hāthoñ pe

chaḌhā.e jā sakte haiñ

pahne jā sakte haiñ

pairoñ meñ

kāġhaz chhoTī chhoTī goliyoñ meñ

tabdīl kiye jā sakte haiñ

jinheñ

jab chāho dīvār pe de maaro

un ko kūḌe-dān meñ pheñkā jā saktā hai

jaale aur vahshat utārī jā saktī hai kamroñ kī

itnī bhayānak aur nokīlī haiñ

un kī āvāzeñ

jo sūrāḳh kar detī haiñ

dīvār ke kānoñ meñ

log apnī lambī zabānoñ kā burāda

bhar dete haiñ un sūrāḳhoñ meñ

jo tah-ḳhānoñ meñ jā nikalte haiñ

tah-ḳhānoñ ke zīnoñ par

kaalī satreñ haiñ

chiyūñTiyoñ kī

aur makḌī kī aalī nasleñ

jo thuuk se shāmiyāne buntī haiñ

makḌī ke jaale kaalī satreñ aur log

ek hī ghar meñ rahte haiñ

lekin anjān rahte haiñ

ek dūsre ke nāmoñ se

is liye bahāl nahīñ ho paate

un ke sifāratī ta.alluqāt

rakhī rah jaatī haiñ konoñ khudroñ meñ

zehnī ham-āhañgī kī saarī fileñ

aur log

rubber-band kī tarah un par

chaḌh jaate haiñ

log rubber-band ki tarah

hathon pe

chaDhae ja sakte hain

pahne ja sakte hain

pairon mein

kaghaz chhoTi chhoTi goliyon mein

tabdil kiye ja sakte hain

jinhen

jab chaho diwar pe de maro

un ko kuDe-dan mein phenka ja sakta hai

jale aur wahshat utari ja sakti hai kamron ki

itni bhayanak aur nokili hain

un ki aawazen

jo suraKH kar deti hain

diwar ke kanon mein

log apni lambi zabanon ka burada

bhar dete hain un suraKHon mein

jo tah-KHanon mein ja nikalte hain

tah-KHanon ke zinon par

kali satren hain

chiyunTiyon ki

aur makDi ki aali naslen

jo thuk se shamiyane bunti hain

makDi ke jale kali satren aur log

ek hi ghar mein rahte hain

lekin anjaan rahte hain

ek dusre ke namon se

is liye bahaal nahin ho pate

un ke sifarati talluqat

rakhi rah jati hain konon khudron mein

zehni ham-ahangi ki sari filen

aur log

rubber-band ki tarah un par

chaDh jate hain