nala sarmaya-e-yak-alam

koī bhūlī huī sūrat koī bisrā huā ḳhvāb

shab ke sannāTe meñ khulne lage ehsās ke baab

koī naġhma mirī ḳhāmosh mohabbat ke rabāb

ye umīdoñ kī kashākash ye tamannāoñ ke jaal

jaane kis raah se guzregī umīdoñ kī barāt

fāsle baḌhte ga.e shauq-e-subuk-gām ke saath

tū hī bol ai mirī mahrūmī kī baḌhtī huī raat

kitnī duur aur hai vo shahr-e-tarab ḳhuld-e-visāl

kahāñ DhūñDūñ tujhe ai sūrat-e-zebā-e-ḳhayāl

shab kī āġhosh meñ ḳhvābīda haiñ be-nūr anjum

shauq ke haath meñ TuuTe hue paimāna-o-ḳhum

aarzū vaqt ke phaile hue sahrāoñ meñ gum

kin hijābāt meñ rū-posh hai ai sub.h-e-jamāl

ek choT ek ḳhalish zauq-e-tajassus kā ma.aal

koi bhuli hui surat koi bisra hua KHwab

shab ke sannaTe mein khulne lage ehsas ke bab

koi naghma meri KHamosh mohabbat ke rabab

ye umidon ki kashakash ye tamannaon ke jal

jaane kis rah se guzregi umidon ki baraat

fasle baDhte gae shauq-e-subuk-gam ke sath

tu hi bol ai meri mahrumi ki baDhti hui raat

kitni dur aur hai wo shahr-e-tarab KHuld-e-visal

kahan DhunDun tujhe ai surat-e-zeba-e-KHayal

shab ki aaghosh mein KHwabida hain be-nur anjum

shauq ke hath mein TuTe hue paimana-o-KHum

aarzu waqt ke phaile hue sahraon mein gum

kin hijabaat mein ru-posh hai ai subh-e-jamal

ek choT ek KHalish zauq-e-tajassus ka maal