nani-aman ki wafat par ek nazm

aaj bachpan ko dafn kar aa.e

mohnī jhurriyāñ subuk āñkheñ

mehrbāñ shafqatoñ se pur chehra

thapkiyāñ dete haath narm āġhosh

chāhateñ dekh-bhāl pyaar dulār

saare kumbe kī fikr sab kā ḳhayāl

rābte rishte-dāriyāñ naate

ḳhātireñ vaz.a-dāriyāñ mehmāñ

martabe haisiyat hisāb-nisāb

nazm-o-tartīb ghar ke iḳhrājāt

maut mayyat byaah paidā.ish

ta.aziyat tahniyat ke chāl-chalan

chhuTTī ā.shūra iid aur barāt

har baḌe chhoTe din kā pas-o-lihāz

roze nafleñ vazīfe tasbīheñ

sadqa minnat murād pīr-faqīr

ḳhair-ḳhairāt baḳhshisheñ nazreñ

lāg-lag len-den mel-milāp

pūchh-gachh rakh-rakhāv rīt-rivāj

raunaqeñ ḳhush-kalāmiyāñ ādāb

raat qisse kahāniyāñ chuhleñ

mez almārī pandān palañg

zā.iqe rañg ḳhushbueñ chehre

in mohalloñ kā ḳhushnumā māhaul

in gharoñ kī rivāyatī tahzīb

aaj ik daur jaise Duub gayā

aaj tiflī kā saath chhūT gayā

aaj bachpan ko dafn kar aa.e

aaj bachpan ko dafn kar aae

mohni jhurriyan subuk aankhen

mehrban shafqaton se pur chehra

thapkiyan dete hath narm aaghosh

chahaten dekh-bhaal pyar dular

sare kumbe ki fikr sab ka KHayal

rabte rishte-dariyan nate

KHatiren waza-dariyan mehman

martabe haisiyat hisab-nisab

nazm-o-tartib ghar ke iKHrajat

maut mayyat byah paidaish

taziyat tahniyat ke chaal-chalan

chhuTTi aashura id aur baraat

har baDe chhoTe din ka pas-o-lihaz

roze naflen wazife tasbihen

sadqa minnat murad pir-faqir

KHair-KHairaat baKHshishen nazren

lag-lag len-den mel-milap

puchh-gachh rakh-rakhaw rit-riwaj

raunaqen KHush-kalamiyan aadab

raat qisse kahaniyan chuhlen

mez almari pandan palang

zaiqe rang KHushbuen chehre

in mohallon ka KHushnuma mahaul

in gharon ki riwayati tahzib

aaj ek daur jaise Dub gaya

aaj tifli ka sath chhuT gaya

aaj bachpan ko dafn kar aae