nae nainwa ka alamiya
vo shahr
jis kī kuñvāriyoñ ke gulāb pinDe
asiil ḳhvāja-sarāoñ ke be-sifāt jismoñ se munsalik hoñ
vo shahr
jis meñ badan kā sonā
rafāqatoñ kī bajā.e
sūraj kī hiddatoñ se pighal rahā hai
vo shahr jis meñ
sadāqatoñ ko shahīd karne
qadam qadam par
sitam salībeñ gaḌī huī huuñ
jahāñ jahālat
zakāvatoñ se ḳhirāj māñge
to aise shahr-e-ġhanīm-e-jāñ ko
tabāh hone se
koī kyūñkar bachā sakegā
wo shahr
jis ki kunwariyon ke gulab pinDe
asil KHwaja-saraon ke be-sifat jismon se munsalik hon
wo shahr
jis mein badan ka sona
rafaqaton ki bajae
suraj ki hiddaton se pighal raha hai
wo shahr jis mein
sadaqaton ko shahid karne
qadam qadam par
sitam saliben gaDi hui hun
jahan jahaalat
zakawaton se KHiraj mange
to aise shahr-e-ghanim-e-jaan ko
tabah hone se
koi kyunkar bacha sakega
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
