nafsiyati maraz

miir to nahīñ huuñ maiñ

jaane phir bhī aisā kyuuñ

roz roz hotā hai

raat ke samundar meñ

chāñd jo ki machhlī hai

motiyāñ ugaltā hai

aur ek motī se

jal-parī nikaltī hai

aur mujh se kahtī hai

kyuuñ udaas rahte huuñ

''nīñd kyuuñ nahīñ ātī''

kaun yaad aatā hai

kis kā ġham satātā hai

ulfatoñ ke maare ho

chāhatoñ ke pyāse ho

raat ik samundar hai

jis kī mauj-e-zulmat meñ

āshiqoñ ke nāloñ kā

an-kahe savāloñ kā

zahr ḳhuub hotā hai

sair ho ke pī lenā

phir gale lagā lenā

maut kī dulhan ko tum

daf.atan ye hotā hai

aarzū kī chaukhaT par

dil ke TuuT jaane se

dard chīḳh uThtā hai

ishq! terī tauba hai

mir to nahin hun main

jaane phir bhi aisa kyun

roz roz hota hai

raat ke samundar mein

chand jo ki machhli hai

motiyan ugalta hai

aur ek moti se

jal-pari nikalti hai

aur mujh se kahti hai

kyun udas rahte hun

nind kyun nahin aati

kaun yaad aata hai

kis ka gham satata hai

ulfaton ke mare ho

chahaton ke pyase ho

raat ek samundar hai

jis ki mauj-e-zulmat mein

aashiqon ke nalon ka

an-kahe sawalon ka

zahr KHub hota hai

sair ho ke pi lena

phir gale laga lena

maut ki dulhan ko tum

dafatan ye hota hai

aarzu ki chaukhaT par

dil ke TuT jaane se

dard chiKH uThta hai

ishq! teri tauba hai